“Wanem I Mekem Jos blong Yu I Defren?”

Mi bin stap gat wari long wanem blong talem sapos wan i askem, “Wanem i mekem jos blong yu i defren?” Afta wetem sapraes, bigfala boe blong mitufala i ded, i livim biaen naesfala waef mo fo pikinini blong hem. Long harem nogud blong mifala, ol tijing blong gospel blong Jisas Kraes we i kambak i givim klia tingting mo kamfot. Magasin blong manis ia i haelaetem tri long olgeta spesel tijing ia:

Faswan, famli ofisol toktok i tijim yumi se “Plan blong God blong stap hapi, i mekem se ol rilesensip blong famli oli save gohed afta long ded.” (Luk long pej 26.)

Sekenwan, hem i tru long Jos blong Lod, yumi gat akses long paoa mo prishud atoriti blong God—semmak paoa ia we i krietem ol wol mo yunaetem ol famli blong taem we i no save finis. (Luk long pej 2.)

Nambatri, ol kavenan pipol blong Sevya long Jos blong Hem oli stap rere from Seken Kaming blong Hem, we hemia i wan wok blong glad. (Luk long ol pej 18, 22.)

Taem yu stadi long magasin ia, mi prea se bae yu faenem ol trutok ia long yuwan mo faenem ol ansa blong yu long kwestin ia, “Wanem i mekem jos blong yu i defren?”