“Ol gudfala fren blong mi oli stap mekem ol joes we mi no filim i gud long olgeta. ?Wanem nao bae mi mekem?”

“Toktok wetem ol fren blong yu abaot ol filing blong yu. Rod blong wan helti rilesensip i open nomo taem yumi toktok. Samtaem hem i had from yumi tingting se ol fren blong yumi bae oli harem nogud, be i gat wan wei: mekem wanem we Kraes bae i mekem mo mekem wetem lav mo kaen fasin.

Luan R., 19, São Paulo, Brazil

“Samtaem ol fren oli gat ol bigfala fos blong mekem ol joes. Sapos mi toktok long ol fren blong mi abaot ol joes blong olgeta, mi save help blong mekem olgeta oli akaontebol long ol gol mo valiu blong olgeta. Ol nara taem yumi no agri long wanem i gud o impoten, be yumi mas respektem wanwan tingting mo fridom blong jus blong yumi.”

Maggie J., 18, Texas, USA

“Maet yu no filim gud from Tabu Spirit i talem long yu se wanem oli stap mekem hem i no stret. Invaetem olgeta blong mekem wan nara samting.”

Lorenzo M., 12, Quezon City, Philippines

“Yu save lidim olgeta i go long rod blong God o faenem ol nara fren we bae oli stap ol gud eksampol blong yu. Prea blong save wanem desisen blong mekem. Gat tras long jajmen blong Papa long Heven mo bae Hem i gaedem yu.”

Haiden W., 15, Washington, USA

“Bae mi mekem bes blong mi blong stap wan gud eksampol. Bae mi prea tu from olgeta, from mi save se laet ia oltaem i winim tudak.

Isaac M., 19, Lualaba, Democratic Republic of the Congo

“Tingting blong yu i mas strong, mo yu mas stanap strong oltaem olsem Moronae. Yumi evriwan bae i gat ol fren we oli stap mekem ol nogud desisen, mo bae yumi nidim help blong Papa long Heven blong go tru hemia. Evri moning mi prea blong werem klos blong faet blong God, mo !hemia i helpem mi bigwan!

Asa F., 15, Utah, USA

“Lavem olgeta mo letem laet blong yu i saen. Ol pipol bae oli stat blong respektem ol desisen blong yu. Famli blong mi mo mi nomo mifala i memba blong Jos Ia blong Jisas Kraes blong ol Lata-dei Sent long skul, mo mi luksave se ol pipol oli stop blong swea raon long mifala from oli save se mifala i defren.

Penelope W., 13, Central Region, Portugal