Kamfot blong Konfrens

Pikja i kam long Katelyn Budge

Oli bin askem mi blong toktok long wan stek konfrens. Be mi ting se bae mi nogat taem blong rere from we mi gat ol skul asaenmen we i stap kam.

Taem mi stap tingting yet blong sapos bae mi givim toktok o no, i bin gat wan jeneral konfrens. Elda Carl B. Cook i tijim, “Blong praktisim fet long Sevya blong yumi, Jisas Kraes, i helpem yumi blong winim ol tingting we oli kam slak, nomata wanem samting yumi stap fesem we i stap blokem yumi.”

Mi tingbaot olsem wanem Lod i helpem mi blong mekem i hapen ol responsabiliti blong mi bifo. Taem mi konektem eksperiens blong miwan wetem testemoni blong Elda Cook, mi andastanem se bae mi kasem paoa blong mekem i hapen toktok blong mi blong stek konfrens mo nogat fraet.

Mi testifae se taem we mi filim taet o fraet, Kraes bae i givim insperesen long mi tru long ol toktok blong ol profet mo ol nara Jos lida, ol skripja, mo ol pipol raon long mi.