Ded Hem I No En

Pikja i kam long Katelyn Budge

Mama blong mi i bin stap long hospital from sik ia strok. Hemia i mekem mifala i sek, mo mi stap tingting se from wanem God i letem blong samting ia i hapen.

Nomata ol wari blong mifala, mifala i no lusum fet. Mifala i save se bambae hem i kam oraet. Mama i bin Oraet kasem sam manis afta taem hem i kasem wan nara strok. Hem i no bin save wokbaot o toktok mo hem i gat hadtaem blong kakai. Mifala i gohed blong prea from help long God.

Mama blong mi i fesem situesen ia kasem taem we hem i ded. Mi save se God i save hilim mama, be hemia i folem tingting blong Hem we mama i gobak long Hem. Mi save se sapos mi laef folem ol komanmen blong God, mi save joen bakegen wetem mama mo famli blong mi. Mi save se tru long Atonmen blong Sevya blong yumi, yumi evriwan bae i laef bakegen long ded. Ded hem i no en blong yumi.