?Wanem bae I Hapen Sapos Mi Stap Traehad blong Mekem Fren?

Long yia ia taem mi jenisim skul i go long wan niuwan, mi krae fulap from mi no wantem blong lego ol olfala fren blong mi. Mi talem long miwan se bae mi neva laekem niu skul blong mi mo mi filim olsem se bae mi giaman long olfala fren blong mi sapos mi mekem ol niu fren.

Evri wik, mi stap strong fes nomo. Mi no no toktok long eniwan. I gat sam gel we oli traem blong toktok long mi, be mi no tingting blong mekem fren wetem olgeta.

Wan dei mi luksave se mi no wantem blong stap miwan. Mi bin luk mi nid blong toktok moa long eniwan. Taem mi sap wajem televisen seris abaot Jisas Kraes, mi kasem insperesen blong tingbaot olsem wanem Hem i mekem fren. Nomata se Hem luk gud long fes blong evriwan, be blong plante pipol, Hem i jenisim laef blong olgeta.

From eksampol blong Kraes, mi jusum blong traem blong mekem fren, iven wetem fraet we mi gat. Mi bin fraet from mi stap sem mo mi wari se ol pipol bae oli laf long mi. Be mi gat tingting ia, “Yu gat wan Papa long Heven we bae i helpem yu. Nomata sapos evriwan i no wantem yu, Hem bae i stap ia.”

Naoia mi lukluk i gobak, mi save luk se wan Fren we i neva lego mi long taem ia hem i Sevya. From had eksperiens we mi bin go tru long hem, mi kam moa kolosap long Hem. Hem i lavem yumi tumas, mo Hem i givim laef blong Hemwan from yumi. Mo Hem i givim yumi ol skripja blong mekem se yumi save olsem wanem blong stap olsem Hem. Oltaem yu save dipen long Jisas Kraes blong Hem i Fren blong yu.