«Իմ լավ ընկերները կատարում են ընտրություններ, որոնց համար ես անհարմար եմ զգում: Ի՞նչ պետք է անեմ»:

«Խոսիր ընկերներիդ հետ այն մասին, թե ինչ ես զգում։ Առողջ հարաբերությունների ճանապարհը բացվում է, երբ մենք հաղորդակցվում ենք: Երբեմն դա դժվար է, քանի որ մենք կարծում ենք, որ մեր ընկերները կարող են տխրել, բայց կա լուծում՝ արեք այն, ինչ կաներ Քրիստոսը և գործեք կարեկցանքով»:

Լուան Ռ․, 19 տ․, Սան Պաոլո, Բրազիլիա

«Երբեմն ընկերներն ընտրություն են կատարում հասակակիցների ճնշման պատճառով։ Եթե ես խոսեմ ընկերներիս հետ նրանց ընտրությունների մասին, գուցե կօգնեմ նրանց պատասխանատվություն զգալ սեփական նպատակների և արժեքների համար։ Երբեմն էլ մենք համակարծիք չենք, թե ինչն է լավ կամ կարևոր, բայց մենք պետք է հարգենք միմյանց կարծիքն ու ազատ կամքը»:

Մեգգի Ջ., 18 տ․, Տեխաս, ԱՄՆ

«Միգուցե դու անհարմար ես զգում, քանի որ Սուրբ Հոգին ասում է քեզ, որ այն, ինչ նրանք անում են, ճիշտ չէ: Հրավիրիր նրանց մեկ այլ բան անել»։

Լորենցո Մ., 12 տ․, Քեզոն Սիթի, Ֆիլիպիններ

«Դու կարող ես նրանց առաջնորդել դեպի Աստծո ուղին կամ գտնել այլ ընկերներ, որոնք լավ ազդեցություն կունենան: Աղոթիր՝ իմանալու համար, թե ինչ որոշում կայացնել: Վստահիր քո Երկնային Հորը, և Նա կառաջնորդի քեզ»:

Հեյդեն Վ., 15 տ․, Վաշինգտոն, ԱՄՆ

«Ես ամեն ինչ կանեի լավ օրինակ լինելու համար: Ես նաև կաղոթեի նրանց համար, քանի որ գիտեմ, որ լույսը միշտ գերակշռում է խավարին»։

Այզեք Մ., 19 տ․, Լուալաբա, Կոնգոյի Դեմոկրատական Հանրապետություն

«Եղիր համարձակ ու քաջ, ինչպես Մորոնին։ Մենք բոլորս, ի վերջո, կունենանք ընկերներ, ովքեր սխալ որոշումներ են կայացնում, և մենք Երկնային Հոր օգնության կարիքը կունենանք, որպեսզի կարողանանք հաղթահարել դա։ Ամեն առավոտ ես աղոթում եմ Աստծո սպառազինությունը հագնելու համար, և դա ինձ շատ է օգնում»:

Ասա Ֆ., 15 տ․, Յուտա, ԱՄՆ

«Սիրիր նրանց և թող քո լույսը շողա: Մարդիկ կսկսեն հարգել քո որոշումները։ Ես և իմ ընտանիքը Հիսուս Քրիստոսի Վերջին Օրերի Սրբերի Եկեղեցու միակ անդամներն էինք մեր դպրոցում, և ես նկատել էի, որ մարդիկ դադարել էին հայհոյել մեր ներկայությամբ, քանի որ գիտեին, որ մենք տարբեր ենք»:

Պենելոպե Վ., 13 տ․, Կենտրոնական շրջան, Պորտուգալիա