’A fa’ari’i i tāna tao’a hōro’a

Tē hina’aro nei au e paraparau nō ni’a i te hō’ē tao’a hōro’a ’āmuitahi nō te parau mau mure ’ore, ’o tē turu nei i tō tātou ’aravihi ’ia fa’ari’i i te tā’āto’ara’a o te tahi atu mau mea tā te Metua e hina’aro e hō mai ia tātou—e tao’a hōro’a nō te ’ite e ora ai tātou, ’ia rave-hope-hia ana’e ’e ’ia fa’ari’ihia i te hōhonu o te vairua, e māramaramahia ïa te vaira’a o te ’oa’oa ’e te mau fifi o te orara’a, nā reira ato’a tā tātou mau uira’a pāhono-’ore-hia : ’Oia ho’i E tamari’i mau tātou nā te Atua. E parau mau e mutu te hutira’a aho ! E mea ’ōna mau ! ’E e ’ere i te fa’ahōho’ara’a noa.

[…] ’E te ’ē’a tā ’outou e haere nei, ’o tāna ïa fa’anahora’a nō te ’oa’oa […] ’E ’oia mau, tē hia’ai roa nei ’oia ’ia ho’i mai ’outou iāna ra, ’ia tae i te hō’ē mahana, nō te fa’ari’i i te fā hope rahi o tāna mau tao’a hōro’a nehenehe ato’a, te ora mure ’ore ’e ’ōna […]

E ti’a ia ’outou ’ia haere mai i te Mesia ma te ti’aturi i tōna hāmani maita’i ’e te here, ’e ’ia fa’ari’i i te tā’āto’ara’a o tāna mau tao’a hōro’a o te ’oa’oa, te hau, te tīa’ira’a, te māramarama, te parau mau, te heheura’a, te ’ite ’e te pa’ari—ma te upo’o ti’aturi, te rima toro ’e te hōhora, ineine nō te fa’ari’i mai. ’E e ti’a ia ’outou ’ia fa’ari’i i teie mau tao’a hōro’a nō te mea ’ua pāpū ’e ’ua niuhia ’outou i roto i te ’ite ē, e tamāhine herehia ’outou nā te Atua, e tamaiti poihere ’outou nā te Atua, ’e ’ua hōro’a ’oia ia ’outou i tāna Tamaiti mo’a ’e te maita’i roa a’e nō te ’aufau nō ’outou, nō te fa’ati’a ia ’outou ’e nō te ha’amo’a ia ’outou.

[…] ’A fa’ari’i fa’ahou i teie tao’a hōro’a, ’aore rā, pēnei a’e e fa’ari’i mau i te reira nō te taime mātāmua, ’e ’ia taui te reira i te mau tuha’a ato’a o tō ’outou orara’a. ’O teie te rāve’a maita’i a’e tā te Atua i fa’aineine nō ’outou nā roto i te hōro’ara’a i tāna Tamaiti. Tē vai mau nei ’outou ’ia noa’a tō ’outou ’oa’oa !