Tuha’a purera’a nō te po’ipo’i mahana mā’a
Tē hōro’a nei te tāra’ehara a Iesu Mesia i te fa’aorara’a hope’a
Hu’a parau
’Ua hōro’a te ’ohipa tei tupu i ni’a i te mau pionie i te Feiā Mo’a i te mau Mahana Hope’a nei i te hō’ē peu tumu ’ōtahi roa ’e te hō’ē faufa’a ’āi’a pae vārua pūai […]
’Ua fārerei te rahira’a o te Feiā Mo’a e pere’o’o huti rima tō rātou i te mau fifi, terā rā, ’aita rātou i roa’ahia i te mau ’ohipa ’ino rahi. E piti rā pupu pere’o’o huti rima, te pupu a Willie ’e te pupu a Martin, ’o tei po’ia, tei to’eto’e, ’e e rave rahi tei pohe […]
’Ua ’ite ’o Brigham Young i te fifi rahi o teie mau pupu nō te taime mātāmua i te 4 nō ’Ātopa 1856 […]
’Ua ani ’oia i te mau ’ēpisekōpo ’ia hōro’a mai e 60 ’āteni, 12 tane faraoa ota ’e ’ua parau atu ra, « ’a haere ’e ’a arata’i mai terā mau ta’ata i roto i te mau fa’a i teienei ».
[…] ’Ia taerehia te taime fa’aorara’a, e rave rahi atu a o te pohe […]
Mai te mea ’aita e tāra’ehara, ’e’ita e ti’a ia tātou ’ia fa’aora ia tātou iho i te hara ’e i te pohe […]
I roto i teie tau pāsa, e rōtahi tātou i ni’a i te Fa’aora ’e i tāna tusia tāra’ehara. Te hōro’a nei te Tāra’ehara i te ti’aturira’a ’e te māramarama i te hō’ē taime e au ra e mea pouri ’e te ’oto […]
Te hōro’a nei au e toru a’ora’a o tā’u e ti’aturi nei ē, e mea faufa’a roa nō tō tatou nei ’anotau.
A tahi, ’eiaha e ha’afaufa’a ’ore i te faufa’a o te ravera’a i te mau mea e nehenehe ia tātou ’ia rave, nō te fa’aora ia vetahi ’ē i te mau fifi i te pae tino ’e i te pae vārua iho ā rā.
Te piti, ’a fāri’i ma te māuruuru i te tāra’ehara a te Fa’aora […]
Te toru ’o tā’u a’ora’a o te fa’ata’ara’a ïa i te hō’ē taime tāmau nō te feruri ma te ha’apa’o maita’i i te Tāra’ehara a te Fa’aora. ʼE rave rahi mau rāveʼa nō te rave i te reira i roto i tā tātou iho mau ’ohipa nō te fa’aro’o. Terā rā, e mea faufa’a roa te haerera’a i te purera’a ’ōro’a ’e te ’amura’a i te ’ōro’a.
E mea faufa’a ato’a te haere-tāmau-ra’a i te hiero mai te mea e nehenehe […]
[…] Tē hōro’a nei te tāra’ehara a Iesu Mesia i te fa’aorara’a hope’a i mua i te mau tāmatara’a tā tātou e fārerei nei i roto i teie orara’a.