Te ti’aturira’a i mua i te aro o te Atua

’Ia rave ana’e tātou i te mau fafaura’a ’e te Atua ’e ’ia ha’apa’o ana’e tātou, e nehenehe tā tātou e fa’ari’i i te ti’aturira’a ’o tē fānauhia e te Vārua. ’Ua parau te Fatu i te peropheta Iosepha Semita ē, e nehenehe tō tātou ti’aturira’a e « pūai roa i mua i te aro o te Atua » […]

’Ia paraparau ana’e au nō ni’a i te ti’aturira’a i mua i te Atua, tē fa’ahiti ra ïa vau i te ti’aturira’a ’ia ha’afātata i te Atua i teienei ! […]

I teienei, nāhea tātou i fāna’o ai i taua ti’aturira’a ra ? […]

[…] ! ’Ia au i te mau parau a te Fatu iho, e ’īriti te aroha mau ’e te maita’i mōrare i te ’ē’a nō te ti’aturira’a i mua i te Atua ! […]

A tahi, te aroha mau […]

Te aroha mau ’e te ti’a, i te mau ta’ata ato’a, ’o te tāpa’o ïa nō te feiā fa’atupu i te hau ! E mea faufa’a roa ’ia fa’a’ite i te aroha mau i roto i tā tātou mau a’ora’a, i mua i te huira’atira ’e i te vāhi ’ōmo’e […]

Tāparu ana’e i tō tātou Metua i te ao ra ’ia fa’a’ī i tō tātou ’ā’au i te aroha mau ’e te rahi a’e—nō te feiā iho ā rā e mea fifi roa ’ia here—e tao’a hōro’a ho’i te aroha mau nō ’ō mai i tō tātou Metua i te ao ra, nō te feiā ’āpe’e mau ia Iesu Mesia. […]

I teienei, e paraparau tātou nō te maita’i mōrare. Tē parau mai nei te Fatu ia tātou ’ia fa’a’una’una noa i tō tātou ferurira’a i te maita’i mōrare […] E fa’ariro te maita’i mōrare i te mau mea ato’a ’ei mea maita’i a’e ’e ’ei mea ’oa’oa a’e ! […] E fa’ati’amā te maita’i mōrare ia ’outou i te mau mana’o ahoaho ’e te fifi. […]

Te rāve’a rahi i mua ia tātou, ’o te rirora’a ïa ’ei ta’ata tā te Atua e hina’aro ia tātou ’ia riro […]

[…] Tē ani manihini nei au ia ’outou ’ia rave ma te ’ōpuahia i te mau ta’ahira’a nō te fa’arahi i tō ’outou ti’aturira’a i mua i te Fatu. I muri iho, ’a haere ai tātou i tō tātou Metua i te ao ra ma te ti’aturira’a rahi a’e, e fa’a’īhia tātou i te ’oa’oa rahi a’e, ’e e rahi atu ā tō ’outou fa’aro’o ia Iesu Mesia. E ha’amata tātou i te ’ite i te mana pae vārua tei hau atu i tō tātou mau tīa’ira’a rahi a’e.