Tuha’a purera’a nō te avatea mahana mā’a
Te fa’aineinera’a iāna iho nō te fārerei i te Fa’aora
Hu’a parau
’Ia parau ana’e te peresideni Nelson nō ni’a i te tae-piti-ra’a mai, e mea ’oa’oa roa oia. Terā rā, ’aita i maoro a’e nei ’ua parau mai te hō’ē tamāhine i roto i te Paraimere iā’u ē, e ha’ape’ape’a ’oia i te mau taime ato’a ’ia fa’ahitihia te Tae-piti-ra’a mai. ’Ua parau ’oia, « tē mata’u nei au nō te mea e tupu te mau mea ’ino hou Iesu ’a ho’i fa’ahou mai ai ».
[…] Te a’ora’a maita’i roa a’e nōna, nō ’outou, e nō’u o te pe’era’a ïa i te mau ha’api’ira’a a te Fa’aora […]
I te hope’a o tāna tāvinira’a i te tāhuti nei, ’ua anihia ia Iesu Mesia ahea ’oia e ho’i fa’ahou mai ai […]
’Ua fa’a’ite mātāmua te Fa’aora i te parabole nō nā pāretenia hō’ē ’ahuru […]
Te ha’api’ira’a faufa’a roa a’e o teie parabole nō nā paretenia hō’ē ’ahuru, ’o te pa’ari ïa ia fāri’i ana’e tātou i te ’evanelia, ’ia ’imi ana’e tātou i te Vārua Mo’a, e ’ia ’ape i te ha’avare […] ’Ia rave tātou i te reira nō tātou iho e ti’a ai.
I muri iho ’ua fa’ati’a te Fa’aora i te parabole nō ni’a i te mau taleni […]
Hō’ē poro’i o teie parabole, ’oia ho’i tē tītau nei te Atua ia tātou ’ia fa’arahi i te mau ’aravihi tei hōro’ahia mai ia tātou, ’aita rā ’oia e hina’aro ’ia fa’aau tātou i tō tātou mau ’aravihi i tō vetahi ’ē […]
I te hope’a, ’ua fa’ati’a te Fa’aora i te parabole nō te māmoe ’e te mau pua’aniho […]
Te ha’api’ira’a nō roto mai i te parabole a te Fa’aora nō ni’a i te mau māmoe e te mau pua’aniho, ’oia ho’i e ti’a ia tātou ’ia fa’a’ohipa i te mau ō tei hōro’ahia mai ia tātou—te taime, te mau taleni ’e te mau ha’amaita’ira’a—nō te tāvini i te mau tamari’i a te Metua i te ao ra, te feiā veve roa a’e ihoa rā.
Tā’u tītaura’a manihini i te tamari’i nō te Paraimere tā’u i fa’ahiti nā mua atu, ’e ’ia ’outou tāta’itahi, ’o tē pe’era’a ïa ia Iesu Mesia ’e te ti’aturira’a i te Vārua Mo’a mai te hō’ē hoa here.