Tuha’a purera’a nō te pō mahana mā’a
Ha’amori
Hu’a parau
E aha te aura’a nō ’outou ’e nō’u nei ’ia ha’amori i te Atua ? […]
’A tahi, te mau ’ohipa e tītau i tā tātou ha’amorira’a
Hō’ē o tā tātou huru ha’amorira’a mātau roa a’e ’e te faufa’a roa a’e, ’o te ha’aputuputura’a ïa i te hō’ē vāhi tei ha’amo’ahia nō te rave i tā tātou pūpūra’a paieti […]
Te ha’amori i te mahana o te Fatu, e rōtahi ta’a ’ē ïa i ni’a i te tūsia tāra’ehara rahi a Iesu Mesia […] Nō te feiā tātarahapa, e taime rahi roa te ravera’a i te ’ōro’a nō te ha’amorira’a sābati.
[…] Tātou te ’oire nō te feiā mo’a, e ha’apūai tātou te tahi i te tahi i roto i te ha’amori ’e i te fa’aro’o.
Noa atu rā te reira, ’eiaha ’ia mo’ehia tā tātou mau ’ohipa ha’amori tāmahana tā tātou e rave, tātou iho nei ’e i te ’utuāfare […]
Te huru ’e te mau mana’o o te ’ā’au i roto i tā tātou ha’amori
Te ha’amori mau, tōna aura’a, e here ïa i te Atua ’e ’ia auraro tō tātou hina’aro i tōna—te tao’a hōro’a rahi roa a’e ’e te faufa’a tā tātou e nehenehe e pūpū atu […]
Teie te hōho’a nō tō Iesu iho ha’amori i te Metua […]
Te ha’amori, ’o te tūtavara’a ïa ’ia pe’e i tōna hi’ora’a maita’i roa […]
Te toru, te ta’ata fāna’o tahi o tā tātou ha’amori
Te mau mea ato’a e nā mua mai i te ha’amori o te Metua ’e o te Tamaiti, e ’īdolo ïa […] Te tumu nō tā tātou ha’amori, ’aita atu ā ïa maori rā ’o « te Atua mau ra ’e […] Iesu Mesia [tāna] i tono mai ra ».
Te hope’a, te tītaura’a e pe’e i te hīro’a o te Metua ’e o te Tamaiti
I te pae hope’a, e riro paha tō tātou orara’a ’ei huru ha’amorira’a maita’i roa a’e ’e te pāpū roa a’e. Te fa’a’itera’a i tā tātou pūpūra’a paieti, te aura’a ra, e pe’e tātou i te hīro’a o te Metua ’e o te Tamaiti—e fa’arahi i tō rāua hīro’a ’e tō rāua huru i roto ia tātou […]
[…] ’Ia haere tātou i te ’ē’a nō te fafaura’a « te mana [ha’amo’a] nō te huru Atua e fa’a’itehia mai ai » i roto ia tātou.