Tuha’a purera’a nō te avatea mahana mā’a
Autahu’ara’a hanahana, feiā ’āpī tamāroa fa’ahiahia
Hu’a parau
I teie ’āva’e Tēnuare, ’ua pārahi au i roto i te purera’a ’ōro’a, ’ua hau i te ’ahuru ma piti feiā ’āpī tamāroa tei pāturuhia nō te nu’u i mua i roto i te Autahu’ara’a a Aarona. Mai te huru ē tē taui ra te ao nei i raro a’e i tō tātou ’āva’e.
’Ua puta mai i roto i tō’u ferurira’a ē, ’ati a’e te ao nei, te hō’ē pēha’a hora i muri i te tahi, i roto i te mau purera’a ’ōro’a mai teie iho ā, e tau ’ahurura’a tauatini diakono, ha’api’i ’e tahu’a […] tei pāturuhia ’ia fa’atōro’ahia i roto i te mau tāvinira’a autahu’ara’a nō te orara’a tā’āto’a, nō te roara’a ’e te ’ā’anora’a o te ha’aputuputura’a o ’Īserā’ela […]
Tē ha’amau nei teie mau fa’atōro’ara’a i teie feiā ’āpī tamāroa i roto i te hō’ē orara’a tāvinira’a, inaha e ti’a atu rātou i roto i te mau taime ’e te mau vāhi rarahi, e mea faufa’a roa ’ino rātou i reira ’e tā rātou pure ’e te mana nō te autahu’ara’a a te Atua tā rātou e mau nei […]
Tē tu’u nei te Fatu i tōna ti’aturi i ni’a i te feiā nō teie tau tei mau i te autahu‘araa a Aarona ’ia rave i te hō’ē ā mau mea tā rātou i rave i tahito ra : e ha’api’i ’e e fa’atere i te mau ’ōro’a—te tā’āto’ara’a nō te fa’aha’amana’o ia tātou i tāna tāra’ehara.
’Ia tauturu ana’e te mau diakono, te mau ha’api’i ’e te mau tahu’a i te ’ōro’a, e fa’ari’i rātou i tō te reira mau ha’amaita’ira’a mai te tahi atu mau pu’era’a : nā roto i te ha’apa’ora’a i te fafaura’a tā rātou e rave i te ravera’a te ta’ata tāta’itahi i te pāne ’e te pape. Nā roto rā i te ravera’a i teie mau hōpoi’a mo’a, tē ha’api’i rahi ato’a nei rātou nō ni’a i tā rātou mau ’ohipa ’e mau hōpoi’a nō te autahu’ara’a […]
E tītauhia te fa’aineinera’a pāpū nō teie mau tītaura’a pāpū […]
E māuruuru a muri noa atu vau i te mea ē, tē ha’amaita’i mau nei te feiā tei mau i te Autahu’ara’a a Aarona, ma tō te reira mau mana ’e mau ’ōro’a ’e mau hōpoi’a, ia tātou pā’āto’a nā roto i te mau tāviri nō te « utuutura’a a te mau melahi, ’e nō te ’evanelia nō te tātarahapa, ’e nō te bāpetizo nā roto i te utuhira’a, ’ia matara te hara » (Te Ha’api’ira’a Tumu ’e te mau Fafaura’a 13:1).