Tuha’a purera’a nō te po’ipo’i sābati
Te tau e ti’a ai te mau mea ato’a nei
Hu’a parau
’Ua riro te fa’anahora’a mana o Te ’Ēkālesia a Iesu Mesia i te Feiā Mo’a i te mau Mahana Hōpe’a nei ’ei hope’ara’a nō te tahi ’āna’ira’a ’ohipa temeio mau […]
Te fāra’a te Metua ’e te Tamaiti ia Iosepha Semita, te ’īritira’a ’e te taera’a mai ’o te Buka a Moromona ’e te fa’aho’i-fa’ahou-ra’a o te ha’amanara’a ’e te mau tāviri o te autahu’ara’a, ’o te mau mea ïa i tītauhia nō te fa’anahora’a i te ’Ēkālesia a te Fatu tei fa’aho’ihia mai, ’a 195 matahiti i teienei.
[…] Hō’ē matahiti i muri mai i te fa’anahora’ahia te ’Ēkālesia, ’ua a’o te Fatu ia Iosepha Semita ē, fa’ahou ā, « ’ua hōro’ahia atu te mau tāviri nō te bāsileia o te Atua i te ta’ata i ni’a i te fenua nei » ’e « mai reira atu te ’evanelia [a Iesu Mesia] e tere atu ai […] mai te ’ōfa’i i ’ō’otihia nō roto mai i te mou’a ma te rima ’ore ».
Tē parau pāpū nei au : Tē fa’atupu ra te Fatu i tāna parau fafau […]
[…] ’Ei tuha’a nō te fa’aho’ira’a mai i tohuhia nō te mau mea ato’a i te mau mahana hope’a nei, ’ua pūpū tino atu te mau peropheta ’e te mau ’āpōsetolo tahito i te ha’amanara’a autahu’ara’a i ni’a ia Iosepha Semita ma te hōro’a iāna i te mau tāviri nō te autahu’ara’a […]
Te ’ohipa a te Fatu i te mau mahana hope’a nei, « ’o te hō’ē ïa ’ohipa tei ’ana’anataehia e te nūna’a o te Atua i te mau tau ato’a ; ’o te hō’ē ïa tumu parau tei tāu’aparauhia e te mau peropheta, te mau tahu’a ’e te mau ari’i ma te ’oa’oa ta’a ’ē ; ’ua tīa’i maoro rātou ma te ’oa’oa i te mahana e orahia ai e tātou ; ’e ma te fa’auruhia ’e te mau tīa’ira’a ’oa’oa nō te ra’i mai ’ua hīmene ’e ’ua pāpa’i ’e ’ua tohu rātou nō tō tātou nei tau ; ’ua pohe rā rātou ma te ’ore i ’ite i te mau mea e tupu nei i teie nei mahana ».
Te « parau ’āpī maita’i » faufa’a roa a’e ’e te hanahana tā te hō’ē ta’ata, noa atu ā tōna vāhi i roto i te ao ’o te poro’i ïa, ’ua fa’aho’i fa’ahou mai te Fatu Iesu Mesia i tāna ’evanelia ’e tāna ’Ēkālesia i te mau mahana hope’a nei.
Te ’Ēkālesia a Iesu Mesia i te Feiā Mo’a i te mau Mahana Hope’a nei ’o te ʼĒkālesia ïa o te Faufa’a ’Āpī a te Mesia tei fa’aho’i-fa’ahou-hia mai.