Mau tauturu hanahana nō te tāhuti nei

I mua roa, te tauturu o te tāhuti nei pūai roa a’e a te Atua ’o tāna ïa hōro’a i te hō’ē Fa’aora, ’o Iesu Mesia, ’o tei māuiui nō te ’aufau i te ho’o ’e tei hōro’a mai i te fa’a’orera’a hara i fā’ihia. […]

E hōro’a mai te fa’anahora’a a tō tātou Metua i te ao ra ia tātou te tahi atu mau tauturu, nō te arata’i ia tātou i roto i tō tātou tere i te tāhuti nei. E fa’ahiti atu vau e maha ’o te reira […]

’A tahi, e parau vau nō te māramarama ’aore rā te Vārua o te Mesia. I roto i tāna ha’api’ira’a rahi i roto i te buka a Moroni, tē fa’ahiti nei Moroni i tōna metua tāne ē « ’ua hōro’ahia mai te Vārua o te Mesia i te ta’ata tāta’itahi ’ia ti’a iāna ’ia fa’ata’a ’ē i te maita’i ’e te ’ino » (Moroni 7:16) […]

Te piti ’o te tauturu rahi tei hōro’ahia mai e te Fatu nō te tauturu ia tātou ’ia mā’iti i te mea maita’i, ’o te hō’ē ïa pu’e arata’ira’a i roto i te mau pāpa’ira’a mo’a ’ei tuha’a nō te fa’anahora’a nō te fa’aorara’a (fa’anahora’a nō te ’oa’oa). Teie mau arata’ira’a e mau fa’auera’a, e mau ’ōro’a ’e e mau fafaura’a ïa.

E fa’a’ite te mau fa’auera’a i te ’ē’a ’o tā tō tātou Metua i te ao ra i rēni nō te fa’ati’a ia tātou ’ia nu’u i mua i te ora mure ’ore […]

E tuha’a te mau ’ōro’a ’e te mau fafaura’a nō te ture, ’o tē fa’a’ite i te ’ē’a o te ora mure ’ore […]

Te tahi atu mau tauturu a te Atua nō te ravera’a i te mau mā’itira’a maita’i ’o te mau fa’a’itera’a ïa a te Vārua Maita’i. Te Vārua Maita’i […]

Hō’ē o te mau tauturu fa’ufa’a roa a’e a te Atua nō tāna mau tamari’i ha’apa’o maita’i ’o te hōro’a ïa o te Vārua Maitai […]

Ma teie mau tauturu mana pūai e rave rahi nō te arata’i ia tātou i ni’a i tō tātou tere o te tāhuti nei, mea pe’ape’a ’ia ’ite ē e rave rahi ta’ata ’o tei ’ore i ineine nō tō rātou fārereira’a ’e tō tātou Fa’aora ’e Tāra’ehara, ’o Iesu Mesia […]

Te ha’eha’a ’e te ti’aturi i roto i te Fatu ’o te mau rā’au fa’aora ïa nō teie mau tāivara’a.