Tuha’a purera’a nō te pō mahana mā’a
’E tē paraparau nei tātou nō te Mesia
Hu’a parau
Te mau peropheta ora i tō tātou nei ’anotau—’o tē fa’ari’i nei i te heheura’a nō ’ō mai i te Atua ra nō te ha’api’i ’e nō te arata’i ia tātou—tē tītau manihini rahi nei rātou ia tātou ’ia haere mai i te Mesia […] E nehenehe tā tātou e fa’ahiti e rave rahi hi’ora’a nō te mau tauira’a ’e te mau ha’amaita’ira’a tei fa’a’itehia e te Peresidenira’a Mātāmua o tei ’opuahia nō te fa’atumu ia tātou i ni’a ia Iesu Mesia […]
E hi’opo’a maīte tātou i te mau fa’ahope’ara’a o te tahi o teie mau mea. ’A tahi, te taipe o te ’Ēkālesia.
[…] Tē fa’ahōho’a nei teie taipe i te parau mau ē, ’o te Mesia te tumu o tāna ’Ēkālesia ’e ’ia riro ato’a ’oia ’ei tumu nō tō tātou orara’a […]
[…] Teie taipe e fa’ahōho’ara’a ïa nō te here ’o te Fa’aora ’o Iesu Mesia ’e e fa’aha’amana’ora’a tāmau i te Mesia ora […]
E hi’o ana’e tātou i teienei i te aura’a o te Pāsa […] ’Ei ha’apotora’a, ’ua fa’aitoitohia tātou ’ia fa’anu’u i roto i te hō’ē fa’ahanahanara’a teitei a’e ’e te mo’a a’e o te Pāsa […]
Nā te Pāsa e fa’ati’a ia tātou ’ia fa’atura i te tusia tāra’ehara a Iesu Mesia ’e i tōna ti’afa’ahoura’a mau ’e te ’oa’oa […]
[…] Noa atu ē, te rahi noa atu ra te feiā ’aravihi i te pae nō te fa’aro’o kerisetiano e rave rau ’o tē hi’o nei i te ti’afa’ahoura’a ’ei fa’ahōho’ara’a ’e ’ei taipe, tē ha’apāpū nei tātou i tā tātou ha’api’ira’a tumu ē, « te aura’a o te ti’afa’ahoura’a, e ti’afa’ahou ïa te feiā ato’a ’o tei ora a’enei, ’e e mea mau te ti’afa’ahoura’a ». ’Ua ʼōfati Iesu Mesia i te mau tāpeʼa o te pohe nō te mau vārua ato’a e ora nei […]
Nō te ’ōpanira’a, tē fa’a’ite pāpū nei au ē, te feiā ato’a e fa’ari’i i te mau tītau-manihini-ra’a a tō tātou peropheta ora ’e tōna mau tauturu ’ia haamana’o ma te opua roa i te mau ’ohipa mo’a tā te Pāsa e fa’ahōho’a ra, e ’ite ïa rātou ē, e pūai noa atu tō rātou tā’aira’a ’e ’o Iesu Mesia.