E faapefea ona tatou ola i le lalolagi ma “tuu ese mea o lenei lalolagi”?

O Soo Na Ia Filifilia, saunia e Casey Childs

E ala i faaaliga, ua poloaiina ai i tatou e le Alii e “tuu ese mea o lenei lalolagi, ma saili mo mea o se lalolagi sili atu ona lelei” (Mataupu Faavae ma Feagaiga 25:10). E le faapea tatou te le amanaiaina o tatou manaoga faaletino ma faitino, ae o lona uiga tatou te le tuuina o tatou loto i le tamaoaiga, paoa, tulaga, po o le faamaoniga a le lalolagi. O nisi nei o mataupu faavae ua aoaoina ai i tatou e uiga i le ola ai i le lalolagi:

Ia tuu mea a le Atua faamuamua. Ua poloai mai le Alii, “A ia outou muai saili le malo o le Atua ma Lana amiotonu” (Mataio 6:33). I o tatou loto ma o tatou olaga, o poloaiga a le Atua ma a tatou feagaiga ma Ia o a tatou faamuamua ia.

Saili i le aoaoina. “A o e aoao e uiga i le lalolagi o siomia ai oe, aoao foi e uiga i le Faaola. … O le tele o lou aoao, o le tele foi lena o lou fesoasoani e fausia le malo o le Atua ma uunaia le lalolagi mo le lelei” (Mo Le Malosi o le Autalavou: O Se Taiala mo le Faia o Filifiliga [2022], 31, 32).

Galue. “O le galue o se mataupu faavae taua o le talalelei.” E faatupuina ai le tuputupu ae ma atiina ae ai i tatou. … E le gata ina finagalo le Alii ia tatou tausia o tatou aiga ae ia auai ma le naunautai i se faamoemoega lelei’ [Mataupu Faavae ma Feagaiga 58:27]” (“Galuega,” Autu ma Fesili, Potutusi o le Talalelei).