O Le A Ou Le Afaina

Ata na tusia e Katelyn Budge

Ou te popole pe a ou auai i lesona a le Ekalesia ma le seminare ma pe a ou lauga i le sauniga faamanatuga. Ae ou te fia manatua le Mataupu Faavae ma Feagaiga 84:88: “O le a ou i ai i lou itu taumatau ma lou agavale, ma o le a i ai lo’u Agaga i o outou loto, ma si’o faataamilo outou e a’u agelu, e sapasapai outou i luga.”

Pe a ou faitau pe manatua lena mau, ou te lagona o loo leoleoina a’u e Iesu ma lagolagoina a’u. E fesoasoani mai o Ia ia te a’u pe a ou faia ni mea sese.

Ou te lagona ua saunia e le Tama Faalelagi nei avanoa mo a’u. O le a Ia faia le mea sili ou te mafaia, e tusa lava pe faigata.

E tusa lava po o le a le mea e tupu, o le a ou manuia, aua o le a fesoasoani mai le Tama Faalelagi ma Iesu Keriso ia te a’u a o ou galue ma le faatuatua.