Sa Fesoasoani Le Faaola ia te A’u e Sui

Ata na tusia e Katelyn Budge

E pei lava o loo i ai ou foliga i le mea, afai ou te le ataata, ou te foliga mai ua ou ita. E fesili tagata, “Aisea ua e faauu ai? O le a sou faafitauli?” Ma ou te faapea atu, “Ou te le o faauu.” Ae o a latou fesili na ou ita moni ai lava ai.

Ma sa popole lo’u tamā e uiga ia te a’u. Sa ia valaau mai ia te a’u i lona potu ma fai mai, “E te iloa, e le mafai ona faaauau pea ona i ai o lena uiga ita ia te oe. O le a le mea e te faapena ai?” Sa ou filifili ou te manao e sui.

Sa ou tatalo ma tagi atu i le Tama Faalelagi e fesoasoani mai ia te a’u. I le aluga o taimi, na amata ona ese o’u lagona. Ua faaitiitia lo’u ita, ua tele lava ina ou ataata, ma ua sili atu lo’u alofa i isi. Na fai mai tagata uma, “Ua e sui.” Ou te iloa i le ta’ele o lo’u loto e le o so’u lava malosi. E ala mai le mana gafatia o le Togiola a Iesu Keriso.

E faigata ona avea ma tagata e te manao e avea ai. E le mafai ona ou faapea atu ua ou i ai iina, ae o loo ou taumafai ia oo atu iina. O la tatou malaga e tatau ona faatasi ma Iesu Keriso. E tatau ona tatou valaauliaina o Ia faatasi ma i tatou.