Maja C.

Ata na pueina e Christina Smith

Na tete’a lo’u tina ma lo’u tama ina ua lua ma le afa o’u tausaga. Ou te alu e asiasi i lo’u tama i masina uma, ma a o ou laitiiti, sa matuai malie lava lenei mea. Ae ina ua ou matua, sa i ai ni nai o ma feeseeseaiga ma sa faasolo ina i ai se tulaga faaletonu i mea uma.

Ou te manatua lo’u tagi atu i lo’u tina ou te le’i toe fia asiasi atu i lo’u tama. Sa ia fai mai, “Tatalo, ona lelei ai lea o mea uma.” Ma sa ou faia.

Sa fesoasoani le Atua ia te au ma lo’u tama. Ua sili atu nei le lelei o le ma mafutaga. E ma te talanoa, ma e valaau mai o ia pe a alu i lona atunuu, o Maketonia, ina ia mafai ona ou talanoa i lo’u aiga iina.

O Iesu Keriso o lo’u malosi lava lea. Pe a i ai ni luitau tetele i le aoga po o le fale, e i ai lava o Ia iina mo au. Sa ou lagonaina na i ai pea o Ia iina mo au.

Ou te faafetai ona sa faailoa au e lo’u tina i le Ekalesia ma le Atua, aua sa matuai fesoasoani tele ia i matou i le aluga o tausaga. O loo vaavaai pea e le Atua ma Iesu Keriso i tatou.