“E mafai faapefea ona ou maua pea le faamoemoe ma saunia mo lo’u aiga i le lumanai ae ua matua faavaivailoto le lalolagi?”

“Ua poloaiina i tatou e le Alii ina ia faatupulaia ma faatumu le lalolagi ma folafola mai e puipuia i tatou e ala i feagaiga ua tatou osia ma Ia. E atoatoa lava le fuafuaga a le Atua. Ou te iloa a maua sa’u fanau—afai ou te usitai i mea ua Ia poloaiina ai a’u—e noatia o Ia e faamanuia ma puipuia a’u ma lo’u aiga e tusa ai ma Lona poto.”

Ziona O., 16, Hawaii, ISA

“Ou te maua le faamoemoe pe a ou faatinoina le faatuatua i le Atua ma Lana fuafuaga mo a’u. Pe a faavaivailoto le lalolagi, e mafai ona ou liliu atu ia te Ia mo le filemu. O lo’u faamanuiaga faapeteriaka e fesoasoani ia te a’u ia ou iloa ai e sili atu le silafia o a’u e lo’u Tama oi le Lagi nai lo se isi lava tagata ma e alofa ia te a’u. E aumaia ai ia te a’u le mautinoa o le a lelei mea uma.”

Logan A., 16, Texas, ISA

“E fesoasoani ia te a’u e iloa ai e alofa le Atua ia te a’u, e i ai sana fuafuaga mo a’u, ma o le a fesoasoani ia te a’u i taimi faigata. E fesoasoani foi le iloaina o a’u feagaiga e fusia ai a’u ia Keriso ma tuuina mai ai ia te a’u le avanoa e maua ai Lona mana ma le malosi.”

Lydie L., 18, Iuta, ISA

“Saili le olioli ia Keriso, tusitusiga paia, ma le tatalo. Afai e mafai ona tatou aoaoina e na o le pau le manatu e taua o le Faaola, o le a faigofie ai le olaga. O le faia o faaiuga e faavae i manatu o tagata o loo siomia ai i tatou e mafai ona faamalosia ai i tatou e faia ni faaiuga le lelei.”

Cash P., 16, Iuta, ISA

“E tatau ona tatou tuu lo tatou faalagolago i le Atua ma atiina ae se mafaufau lelei. E mafai ona tatou maua musumusuga mai isi o e ua faatoilaloina luitau faapena. Ma le isi, o le tausia o poloaiga, aemaise lava le tulafono o le legavia ma le amiomama, e faataatia ai se faavae malosi mo le fausiaina o se olaga faaleaiga faamalieina e ui lava i le faalotovaivai mai fafo.”

Divine O., 19, Lagos, Nigeria