Fesoasoani mo Aso Faigata

O le olaga e le o taimi uma e alu ai i le ala tatou te faamoemoe e oo i ai. Tatou te fiafia uma lava i aso e tumu i le faafiafiaga ma le olioli, ae o nisi aso e tumu i le le fiafia. I le lomiga lenei, o le a e maua ai le fesoasoani mo na aso (tagai i itulau 8, 14, ma le 22).

O se tasi o mau ou te fiafia i ai o loo i ai se fautuaga ma se folafolaga mo aso faigata. E faitauina faapea, “Onosai i puapuaga, ona o le a tele o le a oo mai ia te oe; ae ia e onosaia i latou, aua faauta, ua ou faatasi ma oe, e oo lava i le faaiuga o ou aso” (Mataupu Faavae ma Feagaiga 24:8). O le fautuaga o le tumau.

I lona a’a, o le tumau o lona uiga o le taofi mausali i totonu. E mafai ona faigata ona fai lena mea, o le mafuaaga lea ou te fiafia ai i le folafolaga “Ou te faatasi ma oe.” O lena folafolaga o lona uiga tatou te le tau asaina na o i tatou aso faigata. E fesoasoani mai le Alii ia i tatou e tumau mausali i totonu.

E tusa lava po o le a le mea o tupu i o tatou olaga, o le auala sili e fesootai ai ma le Tama o le tatalo lea. O loo i ai moni o Ia iina. O le a faafofoga ma tali mai o Ia i a tatou tatalo. E faafofoga ma fetalai mai le Atua i Ana fanau i aso lelei ma aso leaga (tagai i le itulau 2). Ua Ia folafola mai e faatasi ma i tatou.