Faatoilaloina o Faalavefau o le Tatalo
E faapefea ona tatou kiliaina faalavefau o tatalo?
Ata na tusia e Andrew Bosley ma Derek L. Smith
“Tatalo e le aunoa.” E 10 taimi na tuuina mai ai e le Faaola lenei faatonuga i le Mataupu Faavae ma Feagaiga. Ua tatou malamalama o se mea faafaatusa—e le mafai ona tatou tootutuli moni lava ma tatalo i taimi uma e ala ai—ae o nisi taimi e faigata e oo lava i le tatalo faalua i le aso! E faapefea la ona tatou manumalo i faafitauli?
O le faafitauli: Galo
O i tatou o tagata. E tupu.
O se vaifofo e mafai ona fai:
Faafesootai au tatalo ma se isi mea e te faia i aso uma, ina ia mafai ai pe a e mafaufau i le tasi, ona e mafaufau lea i le isi. Afai e te iloa ua e fiamoe tele e faia ni tatalo anoa i le taimi lava e te ala ai pe ae e te lei moe, ia nonoa au tatalo i se isi faiga masani i le ao ma le po lea e sili atu ona e mataala ai, e pei o le fufuluina o ou nifo po o le inuina o fualaau. Pe seti ni faailo i lau telefoni!
O le faafitauli: E leai se mea e lipoti atu
O le a se tala e fai i le taeao pe a na o le pau le mea na e faia talu mai lau tatalo mulimuli o le moe?
O se vaifofo e mafai ona fai:
I le taeao faafetai i le Atua mo ou faamanuiaga, e aofia ai tagata taitoatasi o e faamanuiaina lou olaga. Tatalo mo na tagata. Ta’u atu i le Atua mea ua e fuafuaina mo le asō ma ole atu mo Lana taitaiga. I le po, toe lipoti atu. Tau atu ia te Ia mea uma na tutupu i le aso e te faafetai ai, na e aoaoina mai ai, pe na e fiafia i ai.
O le faafitauli: O lagona lē lelei
Atonu e te lagona le le agavaa ona o se mea na e faia—pe o loo e mafaufau e fai. Atonu o loo e ita i le Atua mo se mea. Atonu e te le o fiafia.
O le vaifofo: Ia tatalo pea
Po o ā lava ou faalogona, e mafai e le Atua ona miti’ia. E leai se tasi e “le agavaa” e tatalo, ma o le tiapolo e manao ia e mafaufau i lena mea (tagai i le 2 Nifae 32:8). E sili atu i lou Tama le faafofoga mai i lau tatalo lē lelei atoatoa, ma le le atoatoa—o le ituaiga tatalo lea e te faia ai se manatu e le taua ai le Mea Tele e te le’i fia talanoa i ai—nai lo le le faalogo mai ia te oe.