O Fea e Mafai Ona E Maua ai le Malosi Pe a E Lagona le Teenaina?

I ni nai tausaga ua mavae, sa ou auai ai i se gaoioiga faatasi ma isi talavou ma nisi o faifeautalai. O la matou sini o le valaaulia lea o tagata e o mai ma auai i se sauniga faamanatuga faapitoa.

Sa ou fiafia lava e tuu a’u i le tulaga o a matou faifeautalai. Sa mafai ona matou tufatufa atu a matou valaaulia i ni nai tagata sa matou feiloai i ai. Ina ua oo i le taimi e tufa atu ai le kata mulimuli, sa uunaia a’u e le Agaga e alu i se tagata patino. Ae sa le lelei lana tali mai i la matou valaaulia ma auina ese i matou.

Sa ou faanoanoa i le vaaia o lenei tagata o teenaina le alofa o lo tatou Faaola. Ou te iloa e toatele tagata e teena le valaaulia a Keriso e o mai ia te Ia. Ae ou te iloa foi o le na ona tuuina atu o lenei valaaulia, ua tatou totoina ai se fatu i loto o tagata. O lenei aafiaga na faamalosia ai la’u molimau e ui lava ina sa teena la’u valaaulia. Ou te iloa o Keriso, e mafai soo se mea lava, ma o loo faaauau pea ona ou sauniuni e auauna atu i se misiona ma aumai isi ia te Ia ma lo tatou Tama Faalelagi.