Luke P.

Faitaaʻi ʻe Nathan Reid

Kuo hoko maʻu pē ʻa e ʻalu ki he akó ko e taha ia ʻo hoku ngaahi faingataʻa lahí. Ka naʻá ku fokotuʻu ha taumuʻa ʻi he taʻu kuo ʻosí te u feinga mo fiefia ʻi he lahi taha ʻe lavá ʻi he akó. Naʻe faingataʻa ʻi he kamataʻangá. Ka ʻi heʻeku lau ʻa e Tohi ʻa Molomoná, ʻpea hokohoko atu ʻeku ʻalu ki he seminelí, naʻe lava ke u fiefia ange mo hoko ko ha tokotaha lelei ange.

ʻOku ʻikai ke faʻa faingofua hano maʻu ha meʻa lelei. ʻOkú ke faʻa faingataʻaʻia maʻu pē, ʻo hangē ko Sīsū Kalaisí. Ko ia ʻoku ou ongoʻi ko e lahi ange hoʻo faingataʻaʻiá, ko e lahi ange ia hoʻo anga faka-Kalaisí. ʻOku ou tui ʻe finangalo ʻa e Fakamoʻuí ke ke feinga ke aʻusia ha meʻa lahi ange mo fai lelei ange ʻi hoʻo foua ʻa e ngaahi faingataʻá.

ʻOku ou ʻofa ʻia Sīsū Kalaisi koeʻuhí ko e ngaahi meʻa kuó Ne fai maʻakú. Naʻá Ne mei hoko ko ha tuʻi, lolotonga ʻEne moʻui ʻi he māmaní. Naʻá Ne mei lava ʻo taʻofi ha faʻahinga taha pē naʻe taʻefakaʻapaʻapa kiate Ia. Ka naʻe ʻikai ke Ne fai ia, koeʻuhí ko kitautolu—koeʻuhí he ʻokú Ne ʻofa ʻiate kitautolu. ʻOkú ne ʻai au ke u loto ke aʻusia ha meʻa lahi ange, koeʻuhí ko Ia.