Ol Tabu Skripja—Fandesen blong Fet

I no long taem i pas, mi mo waef blong mi Mary, i bin luk wan tiset we i gat wan pikja blong wan buk mo wan mesej we i talem se: “Ol Buk: Fas Orijinol Divaes We Oli Save Holem.”…

Nomata we yu save holem o i dijitol, Tabu Baebol mo Buk blong Momon: Wan Nara Testeman blong Jisas Kraes, i givim gaed long saed blong spirit mo tijing we i kam long Jisas Kraes, Sevya blong wol. …

Olsem we mi bin talem, mi bin laekem aedia ia blong fas orijinol divaes we yu save holem—we i wan buk. Be afta, mi luksave hamas Intanet i impoten plante long wol tedei. … Intanet hem i wan tul we i gat paoa blong stap stadi long gospel. Tedei plante pipol oli serem ol skripja wetem ol fren tru long teknoloji. …

Ol skripja oli tijim yumi blong yusum jajmen mo stap waes long evri samting. Intanet oli save yusum long wan gud wei o nogud wei. …

… No letem yuwan blong wajem o ridim ol samting we oli no klin, no ones, mo no stret mo gud. … Fulumap laef blong yu wetem ol aedia we oli stret mo gud, stap glad, gat gud taem be stap longwe long ol krangke fasin. I gat wan samting we i defren. … Draonem yuwan plante taem insaed long Buk blong Momon bitim eni nara samting, we bae i pulum Spirit i kam long laef blong yu mo helpem yu blong luksave trutok mo rong samting.

Kaonsel blong mi long olgeta we oli bin gowe long eni wei aot long kavenan rod, i blong kambak long ol tabu skripja, gaed blong ol profet, laef folem gospel long hom, mo lisin long miusik blong fet. Evri sol oli impoten long Lod. !Mifala i nidim yufala! !Lod i nidim yufala, mo yufala i nidim Hem! Oltaem bae yufala i welkam.