Sandei Moning Sesen
Ol Dei blong Neva Fogetem
Samfala Pat
Bitwin long 2024, mo 2034, bae yumi eksperiensem ol taem we bae oli hapen olsem risal blong ol gudfala janis blong givim seves, blong kam wan wetem ol memba mo ol fren, mo blong tokbaot Jos Ia blong Jisas Kraes blong ol Lata-dei Sent i go long moa pipol bitim bifo. …
From hemia, mi wantem blong toktok long yufala abaot ol jeneresen we i stap kam antap, blong invaetem yufala blong tingting long hamas ten yia taem ia bae i gud tumas, wan we bae yufala i neva fogetem, we i save blong yu. …
… Blong yuwan, hemia bae i wan ten yia taem we bae yu neva fogetem. Be bae i dabol nomo sapos yu gohed blong traehad blong kam wan laet long wol long hao gud nius blong gospel blong Jisas Kraes i no mekem laef blong yu i kam moa gud nomo, be tu, olgeta long famli blong yu, ol fren mo olgeta we oli folem yu long sosol media.
Maet yu stap tingting se, olsem wanem blong mekem hemia. …
Faswan, stap laef folem gospel blong Jisas Kraes. …
Nambatu, givhan wetem lav mo sore blong kea long olgeta we oli gat nid. …
Namba tri, invaetem evriwan blong akseptem gospel. …
Namba fo, mekem ol famli i kam tugeta blong taem we i no save finis. …
Ol brata mo sista blong mi we mi lavem tumas, ol dia yang fren blong mi, bae i gat ol hadtaem blong wanwan long yumi long ol dei we i stap kam. Be, taem yumi go insaed long ten yia we i stap kam, bae yumi serem ol gud nius tru long ol simpol aktiviti blong stap laef, stap kea, stap invaetem mo stap kam wan. Taem yumi mekem olsem, bae Lod i blesem yumi wetem ol eksperiens we bae yumi neva fogetem.