“Mi Ya Nao”

Be, folem histri plante oli luk Hem olsem wan simpol man mo i givim pikja blong [Jisas Kraes] we yumi gat mo witnes abaot Hem se Hem i no impoten. Oli bin daonem stret mo gud fasin blong Hem se Hem i wan gudman nomo, jastis blong Hem i kam wan kros we i no bigwan, sore blong Hem i blong no strik tumas long yumi. Yumi no mas stap gilti long ol fasin ia blong tekem Hem i laet nomo we i mekem i isi long yumi blong no folem ol tijing we yumi faenem i had blong folem. Fasin ia blong “stap tekem Hem i laet” hem i tru, iven taem oli tokbaot klin fasin blong Hem we i moa hae, lav blong Hem.

Long taem blong misin blong Hem long wol ia, Jisas i bin tijim se i gat tu bigfala komanmen. … “Mas lavem Lod God blong yu [mo] neba blong yu olsem yuwan bakegen.” Sapos i nidim blong yumi folem Sevya wetem fet long tufala impoten rul ia we i joen, yumi nid blong hang strong long wanem stret Hem i talem. Mo stret toktok we Hem i talem i we, “Sapos yufala i lavem mi, bambae yufala i save obei ol tok blong mi.” Long semfala naet ia, Hem i talem blong yumi “lavlavem [yumi] olsem we [Hem] i lavem yumi.”…

…?Jisas i gat lav olsem wanem?

Faswan, Hem i lavem man wetem “ful hat [blong Hem], ful paoa blong tingting, ful maen, mo ful paoa,” hemia i mekem Hem i save hilim soa we i moa dip mo talem ol trutok we i had. …

Namba tu(2) fasin blong tabu lav blong Jisas hem i fasin blong Hem blong stap obei long evri toktok we God i talem, we oltaem i putum tingting mo fasin blong Hem i go wetem hemia blong Papa blong Hem long Heven. …

… Taem yumi stanap long fored blong Hem mo luk ol mak blong nil long ol han mo ol leg blong Hem, bambae yumi stat blong andastanem wanem i minim long Hem blong karem ol sin blong yumi mo save gud ol samting we i mekem man i harem nogud, blong save obei fulwan long tingting blong Papa—evri samting ia aot long klin lav from yumi.