Lod Jisas Kraes Bae I Kambak Bbakegen

I tru se Lod i stap muvum hariap wok blong Hem.

?From wanem yumi stap bildim ol tempol long wan taem olsem we i neva hapen bifo? ?From wanem? From Lod i bin tijim yumi blong mekem olsem. Ol blesing blong tempol i help blong karem i kam tugeta Isrel long tugeta saed blong vel. Ol blesing ia tu i help blong rere wan pipol we bae i help blong mekem wol ia i rere from Seken Kaming blong Lod!…

Hemia promes blong mi long yufala: Evriwan we i stap lukaotem Jisas Kraes wetem tru hat, bae oli faenem Hem insaed long tempol.…

Mi bin lanem se kwestin we i moa impoten we yumi wanwan i mas ansarem i hemia: ?Bae mi givim laef blong mi long huia o long wanem?

Desisen blong mi blong folem Jisas Kraes i wan desisen we i impoten tumas we mi bin mekem long laef.… I bin helpem mi tu blong stanap agensem ol strong win blong laef.…

Mi askem strong long yufala blong givim moa taem blong yufala evri wik—blong ful laef blong yufala—blong andastanem moa Atonmen blong Jisas Kraes. …

Jisas Kraes i tekem long Hemwan ol sin, blong yu, soa, blong yu ol harem nogud, mo ol wiknes blong yu. !Yu no nid blong tekem ol hevi trabol ia yuwan! …

I no eli o let tumas blong yu kam wan moa gud disaepol blong Jisas Kraes. …

I gat yet blong kam we i moa gud, ol dia brata mo sista blong mi, !from Sevya i stap kambak bakegen! I gat yet blong kam we i moa gud, from Lod i stap muvum wok blong Hem i go hariap. I gat yet blong kam we i moa gud, taem yumi tanem ol hat mo laef blong yumi i go long Jisas Kraes.