I No Afta Plante Yia
Samfala Pat
Buk blong Momon i no wan rekod we i lukluk nomo long histri blong bifo. Be, buk blong skripja ia i lukluk i go long fiuja mo i gat insaed ol impoten prinsipol, ol woning, mo ol lesen we i go wetem ol situesen mo ol jalenj blong dei blong yumi. From hemia, Buk blong Momon i wan buk abaot fiuja blong yumi mo ol taem we yumi stap laef long hem naoia mo afta. …
Ol voes blong bifo oli krae wetem yumi tedei blong lanem lesen ia we i no gat en: blong gat sakses mo gat fulap samting, tugeta ol samting ia i save lidim olgeta we oli stret mo gud blong oli drink posen long saed blong spirit we i hae tingting.…
… Oltaem yumi mas rere gud agensem fasin blong hae tingting mo ting se yu yu moa gud, we i wan rong wei blong talem se yu yu oraet, mo lukluk long wanem yu wantem bitim blong givim seves long ol narawan. …
Bae mi givim wan tingting se sapos mi o yu i biliv se yumitu strong inaf mo save mekem blong winim fasin blong hae tingting, ating naoia yumitu stap safa finis long sik ia we i kilim spirit. …
Be sapos mi o yu i bilivim se hae tingting i save spolem yumi, bae yumi save gohed blong mekem ol smol mo simpol samting we bae i protektem mo helpem yumi blong kam “olsem wan pikinini, we i lisin, i no flas, i putum tingting i stap daon, i save wet longtaem, i gat lav, i glad blong folem tingting blong Lod blong [yumi]” [Mosaea 3:19].
… Taem yumi stadi mo tingting hevi long [Buk blong Momon], bae yumi kasem blesing blong ol ae we i save luk, sora blong harem, ol maen mo hat we oli save andastanem ol lesen we yumi mas lanem blong “lukaot long fasin blong gat hae tingting, sapos no bae [yumi] foldaon long temtesen.” [Doktrin mo Ol Kavenan 23:1].