Stap Folem Kraes

Blong stap folem Kraes, i no blong tingting nating long hem o we yumi praktisim wanwan taem nomo. Hem i wan komitmen we i gogohed mo i rod blong laef we i mas lidim yumi evri taem mo long evri ples. Ol tijing mo eksampol blong Hem i soem rod long evri disaepol blong Jisas Kraes. …

Ol komanmen blong God oli givim daereksen mo paoa we i holemtaet yumi blong stap strong long laef blong yumi. …

Wan long ol narafala tijing blong Sevya i luk olsem i nid blong oli tokbaot bakegen mo bakegen folem ol situesen blong dei blong yumi.

Hemia i taem blong plante strong mo rabis toktok long pablik komunikesen mo iven insaed long ol famli blong yumi. …

?Wanem nao ol man blong folem Kraes, oli mas tijim mo mekem long taem blong ol komunikesen ia we oli denja? ?Wanem nao i ol tijing mo eksampol blong Hem? …

…Yumi nid blong lavem mo mekem i gud long evriwan. Yumi nid blong stopem fasin blong raorao mo stap ol man blong mekem pis long evri komunikesen blong yumi. Hemia i no minim blong andastanem nomo ol prinsipol blong yumi mo ol samting we yumi putum i kam antap faswan, be blong stop blong atakem ol prinsipol blong ol narafala man. Hemia nao wanem we Stret Eksampol blong yumi i bin mekem long ministri blong Hem. Hemia nao eksampol we Hem i soem long yumi taem Hem i invaetem yumi blong folem Hem. …

Olsem ol man blong folem Kraes, yumi tij mo testifae abaot Jisas Kraes, olsem Stret Eksampol blong yumi. So, letem yumi folem Hem mo stopem ol raorao. Taem yumi folem ol rul we yumi laekem long pablik tru ol aksen, letem yumi kwalifae from ol blesing blong Hem, taem yumi yusum lanwis mo ol wei blong stap ol man blong mekem pis. Insaed long ol famli blong yumi mo ol narafala rilesensip blong yumiwan, letem yumi stopem ol samting we oli strong mo oli denja blong spolem wan narawan.