Glad blong yumi from Fasin blong Pemaot Man

Fasin blong sakem sin i letem yumi blong filim lav blong God mo blong save mo lavem Hem long ol wei we bae yumi neva bin save.…

Mi save se Lod mo Sevya blong yumi Jisas Kraes i gat paoa blong sevem man. …

Samtaem yu filim se i no posibol se Hem i pemaot yu, se maet God i no lavem yu mo paoa blong sakrifaes blong Sevya i no blong yu, hemia from i wanem we yu stap traehad wetem o from wanem we yu bin mekem. Be mi testifae se Masta i pemaot yu finis aot long sin.…

Taem yumi laef folem ol kavenan blong yumi, Lod i save givim help mo paoa we yumi nidim blong luksave mo winim ol samting we yumi no strong long hem, we i tekem tu, hae tingting we i save spolem spirit blong yumi.…

… Nid blong hiling blong yumi mo help i no wan hadwok long Hem be hem i stret risen ia from wanem Hem i kam. …

Papa blong yumi long Heven mo Sevya i luk yu. Tufala i save hat blong yu. Tufala i kea long wanem we yu kea long hem, mo wetem olgeta we yu lavem. …

Sapos yu stap traehad wetem wan situesen we yu ting se yu save winim finis nao ia, no givap. Gat fasin ia blong save wet longtaem, kipim ol kavenan blong yu, sakem sin oltaem, lukaotem help blong ol lida blong yu sapos yu nidim, mo go long haos blong Lod oltaem olsem we yu save mekem. Lisin long mo folem ol kwaet toktok blong Spirit we Hem i sendem long yu. Bae Hem i no save lego kavenan rilesensip blong Hem wetem yu. …

Evri dei i wan niu dei we i fulap wetem hop mo ol janis we hem i from Jisas Kraes.