Stap Tabu long Lod, Evri Dei long Laef

Evri ples raon long yumi i gat ol janis blong laf, stap glad, lukluk wetem ol ae blong talem tangkyu. Gospel ia we yumi gat i blong glad mo stap tabu long evri dei laef. Stap tabu, i mekem yumi luksave wanem i tabu. Be blong stap tabu i invaetem yumi tu blong fulumap evri dei laef wetem tabu kaekae—glad long ol evri dei blesing blong laef long medel blong ol hadtaem blong laef ia. Blong wokbaot wetem Lod, yumi mas kam tabu, from se Hem i tabu, mo blong helpem yumi kam tabu, Lod i invaetem yumi blong wokbaot wetem Hem.

Haos blong fet mo komuniti blong ol Sent oli faet agensem fasin blong stap yuwan long wan ples mo grup blong pipol we oli no wan. Stap tabu long Lod i talem no long fasin blong nogat respek, no long fasin blong stap jikim narafala man, no long fasin blong yusum sosol media blong spolem man tru long ol post blong pikja mo toktok blong save mekem mane aot long hem. Stap tabu long Lod i talem yes long tabu fasin mo respek, yes blong yumi save kam moa fri, moa hapi, kam moa gud long ol bilif blong yumi blong folem Hem wetem fet.

Blong stap tabu long Lod i mekem evri dei laef i tabu. Hem i karem yumi i go moa kolosap mo kam moa hapi long Lod mo wanwan long yumi mo i mekem yumi rere blong gobak stap wetem God, Papa blong yumi, Jisas Kraes, mo olgeta we yumi lavem.

Yumi save filim lav blong Hem taem yumi stap tabu long Lod, wanwan dei long laef blong yumi mo blong oltaem stap hapi.