Satedei Moning Sesen
Laef Folem Ol Spesel Janis We Yu Gat
Samfala Pat
Ol prishud odinens mo ol kavenan promes, i letem God blong mekem yumi kam tabu mo afta, i mekem ol naesfala samting long laef blong yumi i hapen. Be, ?olsem wanem nao hemia i hapen?
Faswan, blong wan odinens i soemaot paoa blong God long laef blong yumi, i mas hapen tru long atoriti blong Pikinini blong God. …
Nambatu, yumi no mekem ol kavenan promes nomo—yumi mas kipim olgeta. …
Taem we oli stap tijim Profet Josef abaot ol ki, ol ofis, mo ol odinens, mo olsem wanem blong help long seves blong prishud, Lod Hemwan, tru long profet blong Hem, i givim wan revelesen long Ema. …
Sapos yumi ridim gud seksen 25, bae yumi faenemaot se wan impoten samting i stap tekem ples. Ema bae i gro olsem wan pikinini gel insaed long kingdom i kam “woman we Lod i jusum” blong kam kwin. Ol odinens blong Aronik mo Melkesedek Prishud i joen wetem fasin blong kipim ol kavenan promes blong hem, i mekem hem i gat moa kampani blong Spirit mo wetem ol enjel, we oli givim hem paoa blong laef wetem help we i kam long antap. …
…Samting ia nao mi wantem wanwan gel insaed long kingdom blong andastanem.
“Laef Folem Ol Spesel Janis We Yu Gat”
Lanem olsem wanem ol odinens blong prishud mo ol kavenan promes oli save mekem se paoa blong God bae i go insaed long laef blong yufala, mo stap wok long yufala mo tru long yufala, blong givim paoa mo mekem yufala i rere blong kasem ful stamba tingting blong yufala mo hamas we yufala save mekem. …
Yumi evriwan i save kasem presen ia we i paoa blong God.
Evri taem we yumi tekem sakramen.
Evri taem yumi wokbaot pasem doa step blong wan tempol.
Hemia ol impoten samting blong mi long Sabat. Hemia i from wanem mi lukaot gud long tempol rekomen blong mi.
“Insaed long ol odinens blong hem, i gat paoa we i olsem hemia blong God, i kamaot” (Doktrin mo Ol Kavenan 84:20