Satedei Aftenun Sesen
Stap Berem Ol Tul blong Faet blong Yumi blong Agens
Samfala Pat
Fasin blong agens i save stap agens mo agensem. …
Ating wei blong go agensem God, we i moa nogud, i blong agensem—blong no wantem save long wanem we Hem i wantem yumi blong mekem long laef blong yumi. Plante we bae oli neva tingting blong stap agens be yet oli gohed blong agensem tingting mo tok blong God taem oli stap folem tingting blong olgetawan mo no tingbaot God. …
Ol naef mo ol nara tul blong faet we Ol Man blong Leman we oli bin jenisim laef oli bin berem, oli ol tul ia nao we oli yusum blong agens. Ol semmak kaen tul ia i bin stap long ol han blong ol boe blong olgeta, oli bin yusum blong difendem famli mo fridom blong olgeta, oli no ol tul blong go agensem God. …
Long semmak wei ia, i gat sam samting long laef blong yumi we i nid blong yumi stap long medel o blong mekem gud be sapos oli yusum long rong wei oli save kam “ol tul blong faet blong agens.” …
…Sapos lav blong yumi long God mo strong tingting ia blong yumi blong wok blong Hem wetem ful hat, ful maen, mo ful paoa i kam olsem smol ston we tru long hem bae yumi save mekem evri jajmen blong yumi mo mekem ol desisen blong yumi, bae yumi berem ol tul blong faet blong agens blong yumi. Tru long gladhat blong Kraes, God bae i fogivim ol sin mo ol agens blong yumi blong bifo mo bae i tekemaot ol mak blong ol sin mo ol fasin blong agens ia aot long ol hat blong yumi. …
Blong berem ol tul blong faet blong stap agens i lid i go long wan spesel glad. … Bae yumi berem—gud i go daon—eni samting we i go agensem God long laef blong yumi mo gat wan hat mo maen we i wantem mekem samting.