Sandei Moning Sesen
Doktrin blong Jisas Kraes i Simpol
Samfala Pat
Tok blong God hem i doktrin we Jisas Kraes i tijim mo ol profet blong Hem. …
… Doktrin ia hem i fet long Lod Jisas Kraes, fasin blong sakem sin, kasem baptaes, kasem presen we i Tabu Spirit, mo stap strong kasem en, i blesem evri pikinini blong God.
Taem yumi tijim ol prinsipol ia long olgeta we yumi lavem, Tabu Spirit bae i helpem yumi blong save trutok. From se yumi nidim ol kwaet voes blong Tabu Spirit, yumi no mas stap mekemap ol tingting o stap gat ol andastaning blong yumiwan we i go bitim fasin blong stap tijim tru doktrin.
…Wan long ol wei we i stret gud blong stop blong go kolosap long ol giaman doktrin i blong jusum blong stap tij simpol nomo. …
Blong stap tij simpol i letem yumi blong serem doktrin we i sevem man eli taem ol pikinini oli no kasem yet ol temtesen we bae oli go tru long hem afta, mo bifo, noes blong sosol media, ol fren, mo ol hadtaem blong olgetawan i draonem ol trutok we oli nidim blong lanem. …
Taem yumi stap mekem bes blong yumi blong tijim olgeta we yumi lavem abaot doktrin blong Jisas Kraes, maet sam bae oli no ansa. Ol tu tingting i save kam long maen blong yu. … No lisin long ol tu tingting ia. Tanem yu i go long God from help. …
… Bae yu kam strong wetem strong tingting mo fasin blong gat longfala tingting long hadtaem. Mo afta, bae yu save se yu bin mekem evri samting we yu save mekem blong helpem olgeta we yu lavem mo olgeta we yu stap prea from blong oli faenemaot rod blong olgeta we i go long Setan mo kamaot long hem.