Ngaahi ʻAho ʻe ʻIkai Ngalo ʻi ha Taimi

ʻI he vahaʻa ʻo e taimi ní, 2024 mo e 2034, te tau aʻusia ai ha ngaahi meʻa mahuʻinga ʻe iku ki ha ngaahi faingamālie ʻoku makehe mei he angamahení ke ngāue tokoni ai, ke uouangataha mo e kāingalotú mo e ngaahi kaungāmeʻá, pea mo fakafeʻiloaki ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ki ha kakai tokolahi ange ʻi ha toe taimi kimuʻa. …

Koeʻuhí ko ia, ʻoku ou fakaʻamu ke lea kiate kimoutolu ʻo e toʻu tangata kei tupu haké, ke fakaafeʻi kimoutolu ke mou fakakaukauloto ki he fakafiefia ʻe lava ke hoko kiate kimoutolu ʻi he taʻu ʻe hongofulu ko ʻeni ka hokó, ko ha ngaahi taʻu he ʻikai ngalo ʻi ha taimi. …

… Kiate koe fakafoʻituitui, ʻe hoko ʻeni ko ha taʻu ʻe hongofulu ʻe ʻikai ngalo ʻi ha taimi. Ka ʻe liunga ua ia kapau te ke feinga mālohi ke hoko ko ha maama ki māmani ʻi he founga ʻe lava ai ʻe he ongoongo fakafiefia ʻo e ongoongolelei ʻo Sīsū Kalaisí ʻo fakakoloaʻi mo fakaleleiʻi ʻo ʻikai ngata pē ʻi hoʻo moʻuí ka ko e moʻui foki ʻa hoʻo fāmilí, ngaahi kaungāmeʻá, mo e kau muimui ʻi he mītia fakasōsialé.

Mahalo pē ʻokú ke fifili pe ʻe anga fēfē hono fai ʻení. …

ʻUluakí, moʻui ʻaki ʻa e ongoongolelei ʻo Sīsū Kalaisí. …

Uá, tokoni ʻi he manavaʻofa ke tokangaʻi ʻa kinautolu ʻoku faingataʻaʻiá. …

Tolú, fakaafeʻi ʻa e tokotaha kotoa pē ke nau maʻu ʻa e ongoongoleleí. …

Faá, fakatahaʻi ʻo e ngaahi fāmilí ki he taʻengatá. …

Siʻoku ngaahi tokoua mo e tuofāfine ʻofeina, siʻoku ngaahi kaungāmeʻa kei talavou ʻofeina, ngalingali ʻe ʻi ai ha ngaahi faingataʻa kiate kitautolu takitaha ʻi he ngaahi ʻaho ka hoko maí. Ka neongo ia, ʻi heʻetau hū atu ki he taʻu ʻe hongofulu ko ʻeni ʻo e ngaahi momeniti taʻe-hano-tataú, ʻofa ke tau vahevahe ha ngaahi ongoongo fakafiefia ʻo fakafou ʻi he ngaahi ngāue faingofua ʻo e moʻuí, tokangá, fakaafeʻí, mo e uouangatahá. ʻI heʻetau fai iá, ʻe tāpuakiʻi kitautolu ʻe he ʻEikí ʻaki ha ngaahi aʻusia he ʻikai ngalo ʻi ha taimi.