Fakataha ʻo e Pongipongi Sāpaté
Ko Hono Kumi ha Tali ki he Ngaahi Fehuʻi Fakalaumālié
Ngaahi Konga Fakamatalá
Ko hono ʻeke ʻo e ngaahi fehuʻí mo e fekumi ki ha ʻuhingá, ko ha konga fakanatula mo angamaheni ia ʻo ʻetau aʻusia fakamatelié. … ʻOku ʻaloʻofa e palani ʻa e ʻOtuá ki hotau ngaahi fakangatangata fakaetangatá; ʻo Ne ʻomi hotau Fakamoʻui ko Sīsū Kalaisí ke hoko ko hotau Tauhi Sipi Lelei; mo ueʻi kitautolu ke fakaʻaongaʻi ʻetau tauʻatāina ke filí ke fili Ia. …
Ko e founga ʻo hono ʻomi ʻe he ʻOtua ko e Tamaí mo Hono ʻAló ʻEna potó kiate kitautolú, ʻoku fakamuʻomuʻa ai hono fakaafeʻi e mālohi ʻo e Laumālie Māʻoniʻoní ke hoko ko ʻetau faiako fakafoʻituituí ʻi heʻetau fakatefito ʻetau moʻuí ʻia Sīsū Kalaisí, pea ʻi heʻetau fekumi faivelenga ki Heʻena ngaahi talí mo ʻEna ʻuhingá. …
… Kuo folofola mai e ʻEikí te tau lava ʻo maʻu e ʻiló mo e potó ʻi heʻetau talangofuá mo e faivelengá. ʻOku ʻikai fokotuʻutuʻu e ngaahi fono mo e ngaahi fekau ʻa e ʻOtuá ke hoko ko ha fakafeʻātungia ʻi heʻetau moʻuí, ka ko ha founga maʻongoʻonga ki he fakahā fakafoʻituituí mo e ako fakalaumālié. …
… ʻOku tau monūʻia ke maʻu ʻa Sīsū Kalaisi ko hotau ʻEiki Faifakamoʻuí. ʻE lava ʻe heʻetau talangofua ki he ngaahi fono mo e ngaahi fekau ʻa e ʻOtuá ʻo fakaʻatā hotau Fakamoʻuí ke ʻomi ha mahino mo ha fakamoʻui ʻokú Ne ʻafioʻi ʻoku tau fiemaʻu, ʻo fakatatau ki Heʻene palani kuo tofa maʻatautolú.
Siʻoku ngaahi kaungāmeʻa, ʻoku ou fakamoʻoni ʻe lava ke ʻoatu ʻe heʻetau ngaahi fehuʻi fakamātoato ʻi he ongoongoleleí ha faingamālie ki he Tamai Hēvaní mo Sīsū Kalaisi ke tokoniʻi kitautolu ke tau tupulaki. … ʻOku ou fakamoʻoni ʻe tokoniʻi koe ʻi hoʻo falala ki he Tamai Hēvaní pea ki Heʻene kau palōfita ʻa ia kuó Ne ʻomí ke ke tupulaki fakalaumālie mo paotoloaki koe ke ke aʻu ki he ʻilo, aʻusia, mo e mahino ʻa e ʻOtuá.