Fakataha ʻo e Pongipongi Sāpaté
ʻOku Mahinongofua e Tokāteline ʻa Sīsū Kalaisí
Ngaahi Konga Fakamatalá
Ko e folofola ʻa e ʻOtuá ko e tokāteline ia naʻe akoʻi ʻe Sīsū Kalaisi mo ʻEne kau palōfitá. …
… Ko e tokāteline ko ʻení ʻa e tui ki he ʻEiki ko Sīsū Kalaisí, fakatomalá, papitaisó, maʻu e meʻafoaki ʻo e Laumālie Māʻoniʻoní, mo e kātaki ki he ngataʻangá, ʻokú ne tāpuekina e fānau kotoa ʻa e ʻOtuá.
ʻI heʻetau akoʻi e ngaahi tefitoʻi moʻoni ko ʻení ki he niʻihi ʻoku tau ʻofa aí, ʻe tokoni e Laumālie Māʻoniʻoní ke tau ʻilo e moʻoní. Koeʻuhí ko ʻetau fiemaʻu e ngaahi ueʻi ʻa e Laumālie Māʻoniʻoní, kuo pau ke tau fakaʻehiʻehi mei he fakamahamahaló pe fakaʻuhinga fakataautaha ʻoku ope atu mei hono akoʻi ʻo e tokāteline moʻoní.
… Ko e taha ʻo e ngaahi founga pau taha ke tau fakaʻehiʻehi ai mei he ofi ki he tokāteline halá, ko haʻatau fili ke faiako pē ʻi ha founga faingofua. …
Ko hono akoʻi ʻi he founga faingofuá ʻoku tau lava ai ke vahevahe kei taimi ʻa e tokāteline fakahaofí, kae kei hao ʻa e fānaú mei he ngaahi ʻahiʻahi ʻa e tēvoló te nau fepaki mo ia ʻamuí, kimuʻa ʻaupito ia pea kāsia e ngaahi moʻoni ʻoku fiemaʻu ke nau ʻiló ʻe he vātau ʻa e mītia fakasōsialé, anga fakatamaikí, mo ʻenau ngaahi fefaʻuhi fakafoʻituituí. …
ʻI heʻetau fai hotau lelei tahá ke akoʻi ʻa e niʻihi ʻoku tau ʻofa aí fekauʻaki mo e tokāteline ʻa Sīsū Kalaisí, ʻe kei ʻi ai pē ha niʻihi he ʻikai ke nau tali. ʻE ala hū mai ʻa e veiveiuá ki hoʻo fakakaukaú. … ʻOua naʻá ke fakavaivai ki he ngaahi veiveiua ko iá. Kolea e tokoni ʻa e ʻOtuá. …
… Te ke faivelenga mo kātaki fuoloa. Pea te ke lava leva ʻo ʻiloʻi kuó ke fai ʻa e meʻa kotoa ʻokú ke lavá ke tokoniʻi kinautolu ʻokú ke ʻofa aí mo e niʻihi ʻokú ke lotua ke fakahaofi ʻi he feinga ʻa Sētane ke fakaheeʻi kinautolú.