Fakaʻaongaʻi Homou Ngaahi Faingamālié

ʻOku fakaʻatā ʻe he ngaahi ouau ʻo e lakanga fakataulaʻeikí mo e ngaahi palōmesi ʻi he fuakavá ke fakamāʻoniʻoniʻi kitautolu ʻe he ʻOtuá pea fakahoko leva ha ngaahi meʻa fakaofo ʻi heʻetau moʻuí. Ka ʻoku hoko fēfē ʻeni?

ʻUluakí, kuo pau ke fakahoko ha ouau ʻi he mafai mei he ʻAlo ʻo e ʻOtuá, kae lava ke ne fakahā ʻa e mālohi ʻo e ʻOtuá ʻi heʻetau moʻuí. …

Uá, ʻoku ʻikai ke tau fai pē ha ngaahi palōmesi ʻi he fuakavá—ka kuo pau ke tau tauhi kinautolu. …

Lolotonga hono akoʻi ʻo e Palōfita ko Siosefá ʻi he ngaahi kī, ngaahi tuʻunga, ngaahi ouau, mo e founga ke tokoni ai ki he ngāue ʻo e lakanga fakataulaʻeikí, naʻe foaki ʻe he ʻEikí tonu, ʻo fakafou ʻi Heʻene palōfitá, ha fakahā maʻa ʻEma. …

Kapau te tau lau fakalelei ʻa e vahe 25, te tau ʻiloʻi ai ha fakalakalaka mahuʻinga naʻe hoko. ʻE ʻalu ʻa ʻEma mei heʻene hoko ko ha ʻofefine ʻi he puleʻangá ki ha “fefine kuo fili” pea hoko ko ha kuini. ʻE hanga ʻe he ngaahi ouau ʻo e Lakanga Taulaʻeiki Faka-ʻĒloné mo e Faka-Melekisētekí fakataha mo hono tauhi ʻo ʻene ngaahi palōmesi ʻi he fuakavá, ʻo fakatupulaki ʻene feohi mo e Laumālié pea mo e kau ʻāngeló, ʻo fakaivia ia ke moʻui ʻaki ha tataki fakalangi. …

… Ko ha meʻa ʻeni ʻoku ou loto ke mahino ki he taʻahine takitaha ʻi he puleʻangá.

“Fakaʻaongaʻi homou ngaahi faingamālié.”

Ako ki he founga ʻe fakaʻatā ai ʻe he ngaahi ouau ʻo e lakanga fakataulaʻeikí mo e ngaahi palōmesi ʻi he fuakavá ke tafe atu ʻa e mālohi ʻo e ʻOtuá ki hoʻo moʻuí ʻi ha tuʻunga lelei ange, ʻo ngāueʻi pea fakafou ʻiate koe, ʻo fakaivia mo teuʻi koe ke ke aʻusia hoʻo taumuʻa mo e ivi malava kakató. …

ʻOku tau lava kotoa ʻo maʻu ʻa e meʻafoaki ʻo e mālohi ʻo e ʻOtuá.

ʻOku maʻu ia ʻi he taimi kotoa pē ʻoku tau maʻu ai ʻa e sākalamēnití.

Taimi kotoa pē ʻoku tau hū ai ki ha temipale.

Ko e meʻa mahuʻinga taha ia ʻi hoku Sāpaté. Ko e ʻuhinga ʻeni ʻoku ou fakaʻapaʻapaʻi ai ʻeku lekomeni temipalé.

“ʻOku fakahā ʻi hono ngaahi ouaú ʻa e mālohi ʻo e anga faka-ʻOtuá” [Tokāteline mo e Ngaahi Fuakava 84:20].