Ko e Laka Atú

Tā fakatātā ʻo Mōsese mo ‘Ēlone ʻokú na fakataufolofola kia Felo

Naʻe ʻalu ʻa Mōsese kia Felo ʻo kole ange ke ne fakatauʻatāinaʻi e kau pōpula ʻIsilelí. Naʻe ʻikai loto ki ai ʻa Felo. Naʻe tuku mai ʻe he ʻEikí ʻa e ngaahi mahaki fakaʻauha ki ʻIsipite, ka naʻe kei tali ʻikai pē ʻa Felo.

Tā fakatātā ʻo Mōsese ʻoku talanoa ki he kakaí

Naʻe folofola ʻa e ʻEikí te Ne ʻomi ha mahaki fakaʻauha fakaʻosi ʻe taha. ʻE mate ʻa e ʻuluaki foha ʻo e fāmili kotoa pē ʻi ʻIsipite. Ka ʻo kapau ʻe muimui ʻa e kakai ʻIsilelí ki Heʻene ngaahi fakahinohinó, ʻe fakalaka ʻa e mahaki fakaʻauhá ʻiate kinautolu.

Tā fakatātā ʻo ha tangata ʻokú ne vali e matapaá, ʻoku lolotonga sio ki ai ha fānau

Naʻe fakahā ʻe he ʻEikí ki he fāmili ʻIsileli takitaha ke feilaulauʻi ha lami tangata haohaoa pea vali e toto ʻo e lamí ʻi ʻolunga ʻi honau ngaahi matapaá.

Tā fakatātā ʻo e tengihia ʻe Felo hono foha kuo pekiá

Naʻe hoko mai ʻa e mahaki fakaʻauhá. Naʻe mate ʻa e ʻuluaki foha kotoa ʻi ʻIsipité, kau ai e ʻalo tangata ʻo Feló. Ka naʻe fakahaofi ʻa e ʻuluaki foha ʻo e kau ʻIsilelí koeʻuhí ko ʻenau talangofua ki he ʻEikí.

Tā fakatātā ʻo e fekauʻi atu ʻe Felo ʻi heʻene houhaú ha kau tau

Naʻe talaange ʻe Felo kia Mōsese mo e kau ʻIsilelí ke nau mavahe mei ʻIsipite. Ka naʻe houhau ʻa Felo. Naʻá ne tulimui atu mo ʻene kau taú, ʻiate kinautolu.

Tā fakatātā ʻo e tuli ʻe he kau taú ʻa e kau ʻIsilelí

Naʻe nofo ʻapitanga e kakai ʻIsilelí ʻi he veʻe Tahi Kulokulá. ʻI heʻenau mamata ki he omi ʻa e kau ʻIsipité, naʻa nau manavahē. Naʻe pehē ʻe Mōsese ʻe maluʻi kinautolu ʻe he ʻEikí.

Tā fakatātā ʻo hono taaʻi ʻe Mōsese ʻa e Tahi Kulokulá

Naʻe hiki ʻe Mōsese ʻene tokotokó, pea naʻe fakamavaeuaʻi ʻe he ʻEikí e tahí. Naʻe kolosi ʻa e kau ʻIsilelí ʻi he kelekele mōmoa.

Tā fakatātā ʻo e holofa hifo e Tahi Kulokulá ki he kau tau ʻIsipité

ʻI he taimi naʻe malu ai ʻa e kau ʻIsilelí ʻi he tafaʻaki ʻe taha ʻo e tahí, naʻe foki hifo leva ʻa e vaí ʻo melemo ai e kau taú. Naʻe faifai pea tauʻatāina e kakai ʻIsilelí.