Talitali Lelei Kimoutolu, Ngaahi Kaungāmeʻa!

ʻOku tau fakamanatua ʻi he Toetuʻú ʻa e sīpinga ʻo Sīsū Kalaisí mo e meʻa kotoa kuó Ne fai maʻatautolú.

Koeʻuhí ko Sīsū, te tau lava ʻo fakatomala (peesi 20). Koeʻuhí ko Ia, te tau lava ai ʻo toetuʻu pea fakataha mo hotau ngaahi fāmilí ʻo taʻengata (peesi 22). Koeʻuhí ko Ia, ʻoku tau maʻu ai ha sīpinga haohaoa ke muimui ki he founga ke ʻofa ai ki he niʻihi kehé (peesi 26). ʻOku fakaafeʻi kitautolu ʻe he Fakamoʻuí ke tau hoko ko Hono toʻukupu pea ngaohi ke toe lelei ange ʻa e māmaní. ʻI hoʻo fakamanatua e Toetuʻú ʻi he faʻahitaʻu ko ʻení (mo e taʻú kakato!), fakakaukau ki he founga te ke lava ai ʻo muimui lahi ange kiate Iá.

Kuó Ne toe tuʻu!

ʻOfa atu,

Ko e Kaumeʻá