Tokoni ʻa Nena ʻi he Sāpaté

Fai ʻe Rebekah Jakeman

Ko ha talanoa moʻoni mei Saute ʻAfilika.

Tā fakatātaa ʻo ha kiʻi taʻahine mo ha faʻē ʻi ha kā, ʻokú na fakaʻuli ki ha fale

Naʻe saiʻia ʻa ʻAulola ʻi he ngaahi ʻaho Sāpaté. ʻOkú ne ʻaʻahi ki he ʻapi ʻo Nená (Kui hono Uá).

Tā fakatātā ʻo ha kiʻi taʻahine mo ha faʻē, ʻokú na puke ha lēmani mo ha meʻa heu

Naʻe fie vaʻinga langatoi ʻa ʻAulola. Naʻe ʻeke ange ʻe Mami pe ʻe ʻuluaki loto nai ke tokoni ki hono taʻo ha foʻi keke.

Tā fakatātā ʻo ha kiʻi taʻahine ʻoku ʻi ai ha foʻi fakakaukau ʻoku puke ʻe heʻene kui fefiné ha keke lēmani

Naʻe ʻiloʻi ʻe ʻAulola ʻoku saiʻia ʻaupito ʻa Nena ʻi he keke lēmaní. Naʻá ne fie tokoni ke fiefia ʻa Nena.

Tā fakatātā ʻo ha faʻē mo ha kiʻi taʻahine ʻoku tokoni kia kulenimā ke heu e ngaahi meʻa ʻoku meʻa ngaohi ʻaki e keké, ʻi ha poulu

Lolotonga ʻenau ngāué, naʻe talaange ʻe ʻAulola kia Nena ʻa e meʻa naʻá ne ako ʻi he Palaimelí.

Tā fakatātā ʻo ha kiʻi taʻahine ʻoku toitoi ʻi mui ʻi ha tēpile kae taʻataʻalo mai ʻene kui fefiné mei ha sea

Faifai pea vaʻinga langatoi ʻa ʻAulola mo Nena! Naʻe talaange ʻe Nena, “ʻOku ou saiʻia ʻi he Sāpaté koeʻuhí ʻoku ou maʻu haʻaku tokotaha tokoni ʻi he Sāpaté.”

Tā fakatātā ʻo ha kiʻi taʻahine ʻoku fofonga ʻohovale

Naʻe pehē ange ʻe ʻAulola, “ʻOku ou tokoni fēfē atu kiate koé? Naʻá ta vaʻinga pē.”

Tā fakatātā ʻo ha kiʻi taʻahine mo ha kui fefine ʻokú na fāʻofua

Naʻe tala ange ʻe Nena, “ʻOkú ke tokoni ʻi he taimi ʻokú ke tuku taimi ai ke ta feohí mo fakahaaʻi mai hoʻo ʻofá!”