“Fiefia Fakauike ʻi he Folofolá,” Ko e Kaumeʻá, ʻEpeleli 2026, 41–44.
Haʻu, ʻo Muimui ʻIate Au
Fiefia Fakauike ʻi he Folofolá
30 Māʻasi–5 ʻEpeleli
Toetuʻú
Hivá: “Ketisemani” (Hymns—For Home and Church, no. 1009)
Folofolá: Mātiu 26:36–46
ʻEkitivitií: Faʻu ʻa e kiʻi tohi ʻi he peesi 24. Te ke lava nai ʻo fakakaukau ki ha ngaahi tāpuaki kehe ʻoku tau maʻu koeʻuhí ko Sīsū Kalaisi? Ko e hā ha meʻa ʻe taha ʻe lava ke fai ʻe homou fāmilí ke tokanga taha ai kia Sīsū ʻi he taʻú kakato?
Fai ʻa e Lotú:
Tā ʻa e Hivá:
Lau ʻe Folofolá:
Fai ʻa e Lēsoní:
6–12 ʻEpelelí
Fakafanongo ki he ʻOtuá mo ʻEne Kau Palōfitá
Hivá: “Mou Omi ʻo Fanongoa” (Ngaahi Himí, fika 12)
Folofolá: ʻEkesōtosi 8:1–6
ʻEkitivitií: Naʻe ʻikai fanongo ʻa Felo kia Mōsese ko e palōfitá, ʻa ia ʻoku ʻuhinga ia, naʻe ʻikai foki ke ne fanongo ki he ʻOtuá. Ko ia naʻe tuku mai ʻe he ʻOtuá ha ngaahi mahaki fakaʻauha ke feinga ke fakavaivaiʻi ia ke fakafanongo. Ko e taha ʻo e ngaahi mahaki fakaʻauhá, naʻá ne ʻomi ha fanga poto. Naʻe ʻi ai ha fanga poto he feituʻu kotoa pē! ʻI he peesi hono hokó, feinga ke kumi ʻa e kakai ʻoku toitoi mei he fanga potó. Taufetongi ʻi hono taimiʻi koe ke sio pe ko hai ʻe vave taha ʻene fakahoko ʻa e ʻekitivitií. ʻOkú ke muimui fēfē ki he palōfitá?
Fai ʻa e Lotú:
Tā ʻa e Hivá:
Lau ʻe Folofolá:
Fai ʻa e Lēsoní:
Tuli Potó
13–19 ʻEpeleli
ʻOku Maʻu ʻe he Kau Palōfitá ʻa e Mālohi mei he ʻOtuá
Hivá: “Muimui he Palōfitá,” veesi 5 (Tohi Hiva ʻa e Fānaú, 58-59)
Folofolá: ʻEkesōtosi 14:5–22
ʻEkitivitií: Faʻu ha kiʻi meʻa fakameaʻa ke fakamanatu atu kiate koe, naʻe tokoniʻi ʻe he ʻOtuá ʻa Mōsese ke ne taaʻi e Tahi Kulokulá kae lava e kau ʻIsilelí ʻo kolosi ʻi he fonua mōmoá. Kosi ua fakalōloa ha laʻipepa lanu pulū. ʻI he tapa lōloa ʻo e laʻipepa lanu pulū takitaha, kosiʻi ha ʻinisi ʻe 1 (senitimita ʻe 2.5) hono fālahí ʻo aʻu ki lalo. Fakapipiki fakatouʻosi ʻa e ongo laʻipepa lanu puluú ki ha laʻipepa ʻe taha koeʻuhí ke ʻi loto ʻa e tapa naʻe kosí. Toʻo leva ha peni vahevahe pea takai ʻa e ʻū laʻipepá ke nau vilo hangē ha ngaahi peaú! Fakaʻosí, huke ki he peesi 49. Kosi ʻo toʻo pea fakapipiki ʻa Mōsese mo e kau ʻIsilelí ki lotomālie ʻi he laʻipepá.
Fai ʻa e Lotú:
Tā ʻa e Hivá:
Lau ʻe Folofolá:
Fai ʻa e Lēsoní:
20–26 ʻEpeleli
Ko e Ngaahi Fekau ʻe Hongofulú
Hivá: “Tauhi ʻa e Ngaahi Fekaú” (Ngaahi Himí, fika 195)
Folofolá: ʻEkesōtosi 20:3–17
ʻEkitivitī: Hiki e Fekau ʻe Hongofulú ʻi ha ʻū konga laʻipepa. Taufetongi ʻi hono fili ha fekau ʻe taha pea fakakaukau ki ha ngaahi founga ke manatuʻi ai ia. Te ke lava ʻo faʻu ha foʻi hiva, fakatātaaʻi ʻaki ho nimá, pe tā ha ngaahi fakatātā! Peá ke sio leva pe ko e fekau ʻe fiha te ke lava ʻo manatuʻi taʻe te ke sio ki hoʻo lisí.
Fai ʻa e Lotú:
Tā ʻa e Hivá:
Lau ʻe Folofolá:
Fai ʻa e Lēsoní:
ʻŪ tā fakatātā ʻa Audrey Day. ʻE lava ke hiki hano tatau ke fakaʻaongaʻi pē ʻe he Siasí.