“Mālō e Lelei mei Noauei!” Ko e Kaumeʻá, ʻEpeleli 2026, 8–9.
Mālō e Lelei mei Noauei!
Ko Noaueí ko ha fonua ia ʻi he faka-Tokelau ʻo ʻIulopé. ʻOku ʻiloa ia koeʻuhí ko hono fakaʻofoʻofa fakanatulá. ʻOku nofo ai ha kakai ʻe toko 5.5 miliona tupu. Ko e ongo lea fakafonua fakaʻofisialé ko e lea faka-Noaueí mo e faka-Samí.
Laʻā Tuʻuapō
ʻOku ʻi ai ha ngaahi konga ʻo Noauei ʻoku hokohoko atu e ulo ʻa e laʻaá lolotonga e faʻahitaʻu māfaná. Ko e mamaʻo ange hoʻo ʻalu ki he tokelaú, ko e fuoloa ange ia e ulo ʻa e laʻaá. ʻI he faʻahitaʻu momokó, ʻoku ʻi ai e taimi ʻe niʻihi ʻoku ʻikai hopo e laʻaá, pea ʻoku fakapoʻuli ai e ngaahi ʻahó.
Tia
ʻOku hoko ʻa Noauei ko ha nofoʻanga ki ha fanga tia tokolahi. ʻOku maʻu ai e tākanga tia kaivao tokolahi taha ʻi ʻIulopé, pea ʻoku laka hake he fanga tia ʻe 200,000 ʻoku tauhi ia ʻi he ngaahi fāmá.
Kau Sipoti ʻOlimipikí
ʻI he ʻOlimipiki ʻo e Faʻahitaʻu Momokó, kuo lahi ange e ʻū mētali kuo ikuna ʻe he kau sipoti mei Noaueí ʻi he kau sipoti mei ha toe fonua kehe.
ʻŪ Teleʻa (Fjords) Fakaʻofoʻofá
ʻI he kuonga muʻá, naʻe faʻu ʻe he ngaahi fuʻu konga ʻaisi lalahi ʻi Noaueí ha ngaahi teleʻa lōloa mo loloto naʻe fuo hangē ha U naʻe ui ko e fjords [fiote]. ʻOku fonu ʻa e ʻū teleʻa ko ʻení ʻi he vai mei he tahí pea ʻoku fakaʻofoʻofa ʻaupito ia.
Kau Samí
Ko e kau Samí ko e kakai tuʻufonua ia ʻo Noauei Tokelaú, Suēteni, Finilani, mo e konga ʻo Lūsia.
ʻŪ tā fakatātā ‘a Valeria Danilova. ʻE lava ke hiki hano tatau ke fakaʻaongaʻi pē ʻe he Siasí.