“Aʻeva mo e Fakamoʻuí,” Ko e Kaumeʻá, ʻEpeleli 2026, 2–3.
Mei he Kau Palesitenisī ʻUluakí
ʻAʻeva mo e Fakamoʻuí
Toʻo mei he “ʻUnuʻunu Mai kiate Au,” Liahona, Mē 2025, 24–28.
ʻI he ʻuluaki efiafi Toetuʻú, naʻe lue ha ongo ākonga mei Selusalema ʻi he hala ki ʻEmeasí. Naʻe hā mai ʻa e ʻEiki kuo toetuʻú ʻo ʻaʻeva mo kinaua. Ka naʻe ʻikai ke na ʻiloʻi Ia. Naʻe ʻikai ke na ʻilo kuó Ne toetuʻu.
Naʻá na fakahā kiate Ia ʻena mamahi ʻi he pekia ʻa Sīsuú. ʻI heʻenau fakaofi atu ki he koló, naʻe pehē ʻe he ongo ākongá, “Ke tau nonofo; he kuo ofi ʻa e poʻulí, pea kuo tei ʻosi ʻa e ʻahó” (Luke 24:29).
Naʻe tali ʻe he Fakamoʻuí ʻena fakaafé. Naʻá Ne toʻo ʻa e maá, tāpuakiʻi, pakipaki, pea ʻoange kiate kinaua. Ne fakatokangaʻi Ia ʻe he ongo ākongá. Hili iá naʻá Ne pulia.
Naʻe fakatoʻotoʻo leva ʻa e ongo ākongá ki Selusalema ke fakahā ki he kau ʻAposetoló ʻa e meʻa naʻe hokó. ʻI heʻena fakamatala ʻena aʻusiá, naʻe toe hā mai ʻa e Fakamoʻuí. Naʻá Ne folofola, “Fiemālie pē ʻa kimoutolu” (Luke 24:36).
Ko ha fakamoʻoni au ki he Toetuʻu ʻa e ʻEikí ʻo hangē tofu pē naʻá ku ʻi ai tonu mo e ongo ākonga ʻi he fale ʻi he hala ki ʻEmeasí. ʻOku ou ʻiloʻi ʻokú Ne moʻui.
Ko ʻEku Fakamoʻoni ʻo e Toetuʻú
Kosi ʻo toʻo ʻa e meʻa fakaʻilonga tohí pea hiki hoʻo fakamoʻoní ʻi he feituʻu ʻoku ʻataá.
ʻOku ou ʻilo ko Sīsū Kalaisí …
ʻOku makehe ʻa e Toetuʻú kiate au koeʻuhí …
ʻI he taimi ʻoku ou fakakaukau ai kia Sīsuú, ʻoku ou ongoʻi …
ʻŪ tā fakatātā ʻa Maddie Baker. ʻE lava ke hiki hano tatau ke fakaʻaongaʻi pē ʻe he Siasí.