“ʻOku Fekauʻaki ʻa e Fakatomalá mo e ʻOfá,” Ko e Kaumeʻá, ʻEpeleli 2026, 20–21.
ʻOku Fekauʻaki ʻa e Fakatomalá mo e ʻOfá
Ne toʻo mei he “ʻOku ʻIkai Fakamafasia Hoʻo Fakatomalá kia Sīsū Kalaisi; ʻOku Fakalahi Ai ʻEne Fiefiá,” Liahona, Mē 2025, 90–92.
Naʻe pehē ʻe Palesiteni Lāsolo M. Nalesoni (1924–2025), “ʻOku ʻofeina maʻu pē kitautolu ʻe he Fakamoʻuí kae tautautefito ʻi he taimi ʻetau fakatomalá.”
Ko ia ai ʻi he taimi ʻoku folofola ai ʻa e ʻEikí, “Mou fakatomala, mou fakatomalá,” ʻe fēfē kapau te ke fakakaukauloto ʻokú Ne folofola mai, “ʻOku ou ʻofa atu. ʻOku ou ʻofa atu.” Pea ʻi he taimi ʻokú ke fakatomala aí, ʻokú ke fakahā ai kiate Ia ʻokú ke ʻofa foki ʻiate Ia.
Ko e fakatomalá ʻa ʻetau ongoongo lelei tahá! Fakakaukauloto ki he fakatātā ʻo Kalaisi ʻokú ke saiʻia taha aí. Fakakaukauloto leva ki Heʻene malimali fiefia ʻi he taimi kotoa pē ʻokú ke fakaʻaongaʻi ai ʻEne meʻaʻofá. ʻOku fakalahi ʻe hoʻo fakatomalá ʻa ʻEne fiefiá!
ʻOku hangē ʻa e haʻu kia Kalaisí ko e pehē, “Te ke tokoni mai?” ʻOkú ke falala ki Hono mālohí ke tokoniʻi koe koeʻuhí ʻokú ke ʻiloʻi ʻokú Ne ʻofa ʻiate koe.
Ko ia ke tau ʻahiʻahiʻi angé ʻení. Kimuʻa peá ke lotu ʻi he pōní, fakakaukauloto ʻoku ʻi ho tafaʻakí ʻa Sīsū Kalaisi. Fehuʻi pē kiate koe, “Ko e hā ha meʻa ʻe folofola ʻaki ʻe Sīsū ki he Tamai Hēvaní fekauʻaki mo aú?”
Hili ia peá ke fakafanongo leva.
Fakafanongo ki he leʻo ko ia ʻokú ne tala atu ʻa e ngaahi meʻa lelei fekauʻaki mo koé—ʻa e leʻo ʻo Sīsū Kalaisí, ko hoʻo kaungāmeʻa lelei tahá, pea mo hoʻo Tamai ʻi Hēvaní, ʻa ia ʻoku ʻi ai moʻoní. Manatuʻi, ʻoku lahi maʻu pē ʻEna ʻofá mo hoʻo mahuʻingá, ʻo tatau ai pē pe ko e hā!
Ko ha Sīpinga ʻo e ʻOfá
Kumi e ngaahi sīpinga ʻo e fanga foʻi hātí ʻi he fakatātaá. ʻOku ʻofa maʻu pē ʻa e Tamai Hēvaní mo Sīsū Kalaisi ʻiate koe!
ʻŪ tā fakatātā ‘a Nicole Walkenhorst