Ko e Muimui kia Sīsū ʻi Noaueí

ʻOku muimui ʻa ʻOlivia kia Sīsū Kalaisi ʻaki hono fakakau mai ʻa e niʻihi kehé. ʻI he taimi naʻe tukunoaʻi ai ʻe he niʻihi kehé hono kaungāmeʻá, naʻe feinga ʻa ʻOlivia ke hoko ko ha kaungāmeʻa ʻofa. ʻOku pehē ʻe ʻOlivia, “Naʻá ku talaange ʻe lava ke ne haʻu ʻo vaʻinga mo au, pea naʻe kamata leva ke ne fiefia.”

ʻOku muimui foki ʻa ʻOlivia ʻia Sīsū ʻaki ʻene manatuʻi Ia ʻi he taimi Toetuʻú. ʻOkú ne pehē, “Naʻe tutuki ʻa Sīsū maʻatautolu pea naʻá Ne mei lava pē ke taʻofi ia, ka naʻe ʻikai ke Ne fai iá koeʻuhí he ʻokú Ne ʻofa ʻiate kitautolu. Naʻá Ne fili ke fakahoko ia. ʻOku ou saiʻia ʻaupito ʻi he Toetuʻú he ko e taha ia ʻo e ngaahi fakamanatu mahuʻinga taha ʻi he ngaahi fakamanatu kotoa pē.”

Taʻu: 8

Mei: ʻAkasusi, Noauei

Ngaahi Lea Fakafonuá: Faka-Noauei mo e Faka-Pilitānia

Ngaahi Taumuʻá: 1)ʻAlu ki he puleʻanga fakasilesitialé. 2) Ke poto lelei ʻi hono ngaohi ha ngaahi meʻa ʻaki hono nimá, hangē ko e nití, tuituí, faʻu ha meʻa ʻaki e papá, mo e ngāue fakameaʻá.

Ngaahi Meʻa ʻOku Manako Aí: Niti, ifi e fulutá, taʻo-meʻa, ngaohi ha ngaahi meʻa fakameaʻa, tā fakatātā, fai ha fanga kiʻi vaʻinga, mo e ngaahi ngoue

Fāmilí: ʻOlivia, tuongaʻane mo e tokoua siʻisiʻi, Mami, Teti

Talanoa mei he Folofolá: Mātiu 9:18–19, 24–25, ʻi he taimi naʻe fakamoʻui ai ʻe Sīsū ʻa e ʻofefine ʻo Sailosí, koeʻuhí ʻokú ne fakahaaʻi te Ne lava ʻo tokoniʻi lahi kitautolu

Tukufakaholo Fakafāmilí: Ngaohi ha fanga kiʻi fakaneifua maʻá e ngaahi kaungāʻapí ʻi he Toetuʻú mo e Kilisimasí

Meʻakai mei Hoʻo Fonuá: Medisterkaker (puaka momosi fisifisi) pe torsk (ika hinehina mo e kelevi pata mo e piisi)