Ang mga Santos Miadto sa Kasadpan

Si Brigham Young nagtan-aw samtang nagtrabaho ang mga tawo sa wala pa matapos nga Templo sa Nauvoo

Human mamatay si Joseph Smith, si Brigham Young ug ang ubang Apostoles nangulo sa Simbahan. Nasayod si Brigham Young nga ang mga Santos kinahanglan nga mobiya sa Nauvoo kay dili luwas sa pilegro didto. Apan gusto sa Ginoo nga humanon usa nila ang pagtukod sa templo.

Si Brigham Young nag-abi-abi sa mga tawo ngadto sa templo

Sa dihang andam na ang templo, liboan ka mga Santos mihimo og mga pakigsaad sa Ginoo ug giselyo isip mga pamilya.

Karon higayon na aron magsugod sa ilang panaw padulong sa kasadpan. Bugnaw ang panahon, ug ang mga tawo masakiton ug gutom.

Mga pamilya nagtabang sa uban nga makakuha og pagkaon ug mga habol diha sa katugnaw

Si Brigham nag-ampo alang sa panabang. Miingon ang Ginoo nga angay silang matinabangay sa usag usa, ug mopanalangin Siya kanila ug motabang kanila.

Usa ka pamilya nga nagluhod sa kilid sa lubnganan

Ang panaw lisod gihapon kaayo. Ang ubang tawo nangamatay. Apan tungod sa ilang mga pakigsaad sa templo, ang mga Santos nasayod nga ilang makita pag-usab ang mga sakop sa ilang pamilya.

Si Brigham Young sulod sa karomata nga nagtan-aw sa Walog sa Salt Lake

Ang unang mga Santos miabot sa Walog sa Salt Lake niadtong 1847. Dinhi makasimba sila sa Ginoo ug makabuhat sa Iyang buhat nga malinawon.

Mga hulagway sa mga templo ug mga misyonaryo nga adunay globo sa likod

Sa paglabay sa katuigan, nagkadaghan ang mga Santos nga miabot ug nagtukod og dugang mga templo. Mibiyahe ang mga misyonaryo sa tibuok kalibotan aron sa pagtudlo sa ebanghelyo ni Jesukristo. Ang Simbahan sa Manluluwas nagpadayon sa pagtubo, nagpanalangin sa mga anak sa Langitnong Amahan bisan asa.