“Paghigugma Sama Kaniya,” Higala, Disyembre 2025, 2–3.
Gikan sa Unang Kapangulohan
Paghigugma Sama Kaniya
Gikuha gikan sa “Ang Diwa sa Pasko” (debosyonal sa Pasko sa Unang Kapangulohan, Dis. 5, 2021), Librarya sa Ebanghelyo.
Sa pagkatawo ni Jesus ang mga anghel nanag-awit, ug usa ka bag-ong bituon mitunga aron mohayag sa langit. Ang mga magbalantay sa karnero miabi-abi Kaniya. Ang Maalamon nga mga Tawo sa kaulahian gigiyahan aron mosimba Kaniya.
Si Jesukristo mipili nga manaog gikan sa Iyang trono sa langit aron mopuyo sa yuta. Gibuhat Niya kini tungod sa gugma alang sa matag anak nga lalaki ug anak nga babaye sa Langitnong Amahan. Gibuhat Niya kini tungod sa gugma alang kaninyo—ug kanako.
Aron maangkon ang diwa sa Pasko, kinahanglan kitang maningkamot nga mohigugma sama nga Siya nahigugma. Ang Iyang mga pulong nganha kaninyo ug ngari kanako mao ang “Paghigugmaay kamo sama nga Ako nahigugma kaninyo” (Juan 15:12).
Ako mopamatuod nga ang bata nga natawo sa Betlehem mao si Jesukristo, ang pinalangga nga Anak sa Dios. Gihigugma ko kamo ug nanghinaot nga kamo makaangkon og usa ka malipayong panahon sa Pasko—karong tuiga ug sa kanunay.
Sunda ang Bituon
Usa ka bag-ong bituon sa langit migiya sa Maalamon nga mga Tawo paingon sa bata nga si Jesus (tan-awa sa Mateo 2:10–11). Kolori ang mga bituon aron matabangan sila nga makaplagan ang dalan paingon sa Betlehem.
Mga paghulagway pinaagi ni Simini Blocker