Nagsunod ni Jesus sa South Africa

Himamata si Oreagile ug Realeboga

Si Oreagile nagsunod ni Jesukristo pinaagi sa pagserbisyo sa iyang mga igsoon sa panahon sa Kapaskohan. “Ganahan kong motabang sa akong inahan sa pag-andam og paniudto alang sa Kapaskohan,” miingon siya. Ganahan usab siya nga motan-aw og salida mahitungod ni Jesus aron makakat-on pa og dugang mahitungod Kaniya.

Si Realeboga nagsunod kang Jesus pinaagi sa pagserbisyo sa iyang inahan ug apohan. “Ganahan kong motabang ni Mama sa paghimo og jelly ug pagserbisyo sa akong lolo pinaagi sa pagbisita niya.” Ganahan siya kon ang iyang lolo magsulti niya og mga istorya mahitungod ni Jesukristo.

Mahitungod ni Oreagile ug Realeboga

Edad: parehong 9 anyos

Gikan sa: Gauteng, South Africa

Pinulongan: Iningles

Tumong: Si Oreagile gusto nga mahimong magsusulat o journalista. Si Realeboga ganahan nga moadto sa templo kon sakto na ang iyang pangedaron.

Kalingawan: Si Oreagile ganahan nga magsulat ug magbasa. Si Realeboga ganahan nga magganselyo ug magdrowing.

Pamilya: Oreagile ug Realeboga, duha ka mas magulang nga managsoong babaye, usa ka mas magulang nga igsoong lalaki, ug Mama

Mga Paborito ni Oreagile ug Realeboga

Istorya sa Kasulatan: Ang duha ka batang babaye ganahan sa dihang giayo ni Jesus ang buta nga tawo.

Prutas: Si Oreagile ganahan og grapes, us si Realeboga ganahan og strawberry.

Pagkaon: Si Realeboga ganahan sa tanang pagkaon! Si Oreagile labing ganahan sa peppermint tart nga dessert sa iyang mama.

Awit sa Primary: Silang duha ganahan sa “Mouban Ko Nimo” (Songbook sa mga Bata, 78).